पंढरपूर : मागील काही दिवसांपासून पंढरपूर शहर व तालुक्यात कोरोना रुग्णांची संख्या झपाट्याने वाढू लागली आहे. आज सोमवारी शहर व तालुक्यात तब्बल 50 नव्या कोरोना बाधीत रुग्णांची भर पडली आहे. आता पर्यंत पंढरपुरात 211 जणांना कोरोनाची बाधा झाली आहे.
आषाढी यात्रेनंतर पंढरपुरात कोरोनाची संख्या झपाट्याने वाढू लागली आहे. गेल्या चार महिन्यातील आजची सर्वाधिक वाढ आहे. एकाच दिवशी 50 जणांना कोरोनाची लागण झाल्याने पंढरपूरकरांमधून चिंता व्यक्त केली जात आहे. शहरातील दोघांचा कोरोनामुळे मृत्यू झाला आहे. आता पर्यंत 46 रुग्ण बरे झाले आहेत. तर 163 रुग्णांवर विविध ठिकाणी उपचार सुरु आहेत.
विशेष म्हणजे आजच्या आकडेवारीत टाकळी येथील आनंद नगर – श्रीराम नगर परिसरातील ७ पुरुष व ८ स्ञिया असे एकुण १५ व्यक्तिंचा रिपोर्ट पाॅझिटिव्ह आला आहे. यातील १४ व्यक्ती या एकाच कुटुंबातील आहेत.
