नवी दिल्ली : जगात 100 कोटी डाऊनलोडचा टप्पा आम्ही पार केला, असा दावा टेलिग्राम या मॅसेजिंग अॅपने केला आहे. यातील 22 टक्के युजर्स भारतातील आहेत, असेही एका रिपोर्टमध्ये सांगण्यात आले आहे. 2013 मध्ये टेलिग्रामची सुरुवात झाली होती. 2021 च्या सुरुवातीला यावर 50 कोटी युजर्स अॅक्टीव्ह होते. दरम्यान लवकरच युजर्सचा आकडा आणखी वाढेल, असाही विश्वास टेलिग्रामने व्यक्त केला आहे.
व्हाट्सअपला टक्कर देणारे टेलिग्राम मॅसेजिंग ऍपने नुकतेच शंभर कोटी म्हणजेच 1 अब्ज डाऊनलोड्सचा आकडा पार केल्याचा दावा केला आहे. डाटा सेंसर टावरने याची माहिती दिली आहे. 2013 मध्ये या ऍपला बनवण्यात आले होते. टेलिग्राम ऍपची स्पर्धा व्हाट्सअप फेसबुक मॅसेजरशी होती. व्हाट्सअप प्रायव्हसी पॉलिसीच्या वादामुळे हे ऍप जास्त प्रसिद्ध झाले होते.
सेंसर डाटाने म्हटले आहे की, टेलीग्रामने जगभरात 1 अब्ज डाऊनलोड्सचा आकडा पार केला आहे. या लिस्टमध्ये व्हाट्सअप, फेसबुक, इंस्टाग्राम,स्नॅपचॅट, स्पॉटफाय आणि नेटफ्लिक्स चा सामावेश आहे. विशेष म्हणजे टेलिग्राम भारतात सर्वाधिक डाऊनलोड केले गेले आहे.
तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध
सेंसर डाटा टावरच्या मते भारतात साधाराण 22 टक्के लाइफटाइम इंस्टॉल मिळाले आहेत. भारतानंतर रशिया आणि इंडोनेशियामध्ये टेलिग्रामच्या वापरकर्त्यांची संख्या अधिक आहे.
टेलिग्रामने म्हटले होते की, कंपनीकडे साधारण 500 मिलियन मंथली ऍक्टिव वापरकर्ते आहेत. व्हाट्सअप प्रायव्हसी पॉलिसीच्या वादामुळे नेटकरी नाराज होते. या पॉलिसीच्या विरोधात अनेकांना टेलिग्राम आणि सिग्नल सारखे ऍप इन्स्टॉल केले. त्यानंतर टेलिग्रामने ग्राहकांना आकर्षित करण्यासाठी ग्रुप व्हिडिओ कॉल आणि स्क्रिन शेअरींगसारखे साउंड फिचर्सची सुविधा दिली होती.
