मुंबई : ऑस्कर विनिंग कंपोजर ए आर रहमान यानं खुलासा केला आहे की, एक गँग त्याच्याविरोधात काम करत आहे आणि अफवा परसवत आहे. हिंदी सिनेमात मला काम मिळत नाही अशा अफवा पसरवल्या जात आहेत असं एआर रहमाननं सांगितलं आहे. सुशांतचा ‘दिल बेचारा’ या सिनेमासाठी एआर रहमान यानंच संगीत दिलं आहे.
आतापर्यंत ए.आर.रेहमान यांनी अनेक गाण्यांना संगीतबद्ध केलं आहे. त्यांना आजवर अनेक मोठे पुरस्कारही मिळाले आहेत. इतकंच काय तर त्यांनी ऑस्कर पुरस्कारावरही आपलं नाव कोरलं आहे. परंतु सध्या ऑए.आर.रेहमान चर्चेत आले आहेत. आपल्या विरोधात एक गट अफवा पसरवत आहे, असा आरोप रेहमान यांनी केला आहे. तसंच आपल्याविरोधात अशा उडवल्या जाणाऱ्या अफवांमुळे चित्रपटसृष्टीत कोणीही आपल्याला काम देत नाही, असा दावा त्यांनी केला आहे. नुकताच ए.आर.रेहमान यांनी संगीत दिग्दर्शन केलेला दिल बेचारा हा चित्रपट प्रदर्शित झाला होता.
(तुमचे हक्काचे ‘सुराज्य डिजिटल‘ फेसबुक पेज, ट्विटर, शेअरचॅट आणि टेलिग्रामवरही उपलब्ध)
एका मुलाखतीत ए आर रहमान याला विचारण्यात आलं की, तुम्ही तमिळ सिनेमांच्या तुलनेत हिंदी सिनेमात कमी काम का करता ? यावर उत्तर देताना ए आर रहमान म्हणाला, ‘मी चांगल्या सिनेमांना नकार देत नाही. परंतु कोणती तरी गँग आहे जी गैरसमजामुळं चुकीच्या बातम्या पसरवत आहे. मुकेश छाबडा माझ्याकडे आल्यानंतर मी 2 दिवसात त्यांना गाणं तयार करून दिलं.’
ए आर रहमाननं पुढं म्हणाला, ‘मुकेश छाबडा मला म्हणाले, सर किती लोकांनी मला सांगितलं तुमच्याकडे नका जाऊ म्हणून. त्यांनी अनेक स्टोऱ्याही ऐकवल्या. मी ते ऐकल्यावर विचार केला आणि म्हणालो, ठिक आहे. आता मला समजलं की, मला कमी काम का मिळत आहे आणि चांगले सिनेमे माझ्याकडे का येत नाहीयेत.’
रहमाननं सांगितलं की, ‘मी डार्क सिनेमे करतो. कारण एक ग्रुप माझ्या विरोधात काम करत आहे. त्यांना कळत नाहीये की ते माझं नुकसान करत आहेत. काही लोकांना वाटतं मला काम मिळू नये. ठिके आहे. मी नशिबावर विश्वसास ठेवतो आणि मला असं वाटतं की, तुमच्याकडे सारं काही देवाकडून येतं, त्यामुळे मी माझे चित्रपट व काम करत आहे. सुंदर चित्रपट बनवा व तुमचे माझ्याकडे स्वागत आहे.
