मुंबई : अभिनेता सुशांतसिंह राजपूत यांच्या आत्महत्येप्रकरणी रिया चक्रवर्तीची चौकशी करण्यात आली. याप्रकरणी सीबीआयने बिहार पोलिसांकडून कागदपत्रे घेतली आहेत. यातून रिया आणि तिच्या भावाच्या अकाऊंट मोठ्या रकमा ट्रान्सफर झाल्याचे समोर आले आहे. रिया तपासात इडीला सहकार्य करीत नसल्याचे समोर येत आहे.
तसेच सुशांतची मैत्रिण रिया चक्रवर्तीच्या भावाची सुमारे नऊ तास चौकशी केली आहे. रियाचे सीए रितेश शाह, सुशांतची माजी व्यवस्थापक श्रुती मोदी यांचीही मनी लॉन्ड्रिंगबाबत चौकशी करण्यात आली. या चौकशी अनेक नवीन मुद्दे समोर आले आहेत. रिया चक्रवर्तीचा भाऊ शौविक चक्रवर्ती याच्या अकांउटवर सुशांतसिंह राजपूतने लाखों रूपये ट्रान्सफर केल्याची माहिती समोर आली आहे. सुशांतसिंह राजपूत याने शौविक चक्रवर्ती याच्या अकांउटमध्ये नुकतेच 40 हजार रूपये ट्रान्सफर केल्याचे उघडकीस आले आहे.
तुमच्या हक्काचे ‘सुराज्य डिजिटल’ फेसबुक पेज, ट्विटर, शेअरचॅट आणि ‘टेलिग्राम’वरही उपलब्ध
सुशांतला कोटक महिंद्रा बॅकेतील आपले खाते बंद करायचे होते. त्याला दुसरे नवीन खाते उघडायचे होते, असेही तपासात समोर आले आहे. नंतर सुशांतने याबाबतचा आपला अर्ज मागे घेतला होता. तपासात रिया चक्रवर्ती ईडीला सहकार्य करीत नसल्याची माहिती आहे. नऊ तास सुरू असलेल्या चौकशीत रियाने मला काही आठवत नाही, असे सांगून अनेक प्रश्नांना उत्तर देण्यास टाळाटाळ केल्याचे समजते.
रिया चक्रवर्ती, शौविक चक्रवर्ती यांच्यावर मनी लॉन्डरिंगचा आरोप आहे. सुशांतच्या अकांउटमध्ये 50 कोटी रूपये होते. ते आता फक्त 1 कोटी रूपये असल्याचे समजते. सुशांतच्या खात्यातून रिया आणि तिचा भाऊ शैाविकच्या खात्यात पैसै ट्रान्सफर झाले आहेत.
सुशांत आणि रिया चक्रवर्ती याची पहिली भेट 4 एप्रिल 2019 मध्ये झाली होती. त्यानंतर सात ते आठ दिवसांत ती सुशांतच्या सोबत सुशांतच्या घरी राहायला आली होती.
ईडी कडून चौकशी केली असता अनेक गोष्टी समोर येत आहेत. अजूनही अनेकांची चौकशी होण्याची शक्यता आहे.
* खर्चाविषयी रियाकडून निरर्थक उत्तर
चौकशी दरम्यान रिया म्हणाली की, सुशांतने तिच्यावर जे पैसे खर्च केले ते स्वमर्जीने केले होते. मात्र जेव्हा रियाला तिच्या स्वतःच्या उत्पन्नापेक्षा अधिक खर्चाबद्दल प्रश्न विचारले गेले तेव्हा ती योग्य उत्तरे देऊ शकली नाही. रियाने कोणतीच गोष्ट लपवली नाही असे रियाचे वकील सतीश मानशिंदे यांनी म्हटले आहे. रिया चक्रवर्तीचा कॉल डिटेल रेकॉर्ड समोर आला आहे. रेकॉर्डनुसार, रिया दोन सायकॅट्रिस्टच्या संपर्कात होती. महेश भट्ट यांच्याशी तिने अनेकदा बोलणे झाले होते.