बुलडाणा : बुलडाण्यातील राष्ट्रीय महामार्ग क्रमांक 6 वर नांदुरा-वडनेर मार्गावरील वडी गावाजवळ मोठा अपघात झाला. वडनेरकडून नांदुराकडे वेगाने येणाऱ्या कंटेनरने वडनेर गावाजवळ काळी पिवळी टॅक्सिला धडक दिली. यात टॅक्सीतील तिघांचा जागीच मृत्यू झाला. तर 9 जण गंभीर जखमी झाले. सुनिल सुभाष तायडे, अर्चना सुनिल तायडे पती-पत्नी, तर भगीरथाबाई विठ्ठल दळवी (वडनेर) अशी मृतांची नावे आहेत.
भरधाव वेगाने जाणाऱ्या कंटेनरने काळी पिवळी टॅक्सीला धडकेत झालेल्या भीषण अपघातात तीन जणांचा मृत्यू झाला आहे. तर 9 जण जखमी झाले आहेत. बुलडाण्यातील राष्ट्रीय महामार्ग क्रमांक 6 वर नांदुरा-वडनेर मार्गावरील वडी गावाजवळ ही घटना घडली आहे.
तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध
मिळालेल्या माहितीनुसार, अपघातग्रस्त काळी-पिवळी प्रवाशी वाहतूक करणारी गाडी नांदुराकडून मलकापूरकडे जात होती. यावेळी वडनेरकडून नांदुराकडे भरधाव वेगाने येत असलेल्या कंटनेरने वडनेर गावाजवळ काळी पिवळी टॅक्सीला जोरदार धडक दिली. ही धडक इतकी जबरदस्त होती की, यात तिघांचा जागीच मृत्यू झाला. तर 9 जण गंभीर जखमी झाले. या भीषण अपघातात काळी पिवळी टॅक्सीत बसलेले प्रवाशी सुनिल सुभाष तायडे, अर्चना सुनिल तायडे या दोघा पती-पत्नीचा जागीच मृत्यू झाला. त्यासोबतच भगीरथाबाई विठ्ठल दळवी राहणार वडनेर याचाही मृत्यू झाला.
या घटनेची महिती मिळताच ग्रामस्थांनी घटनास्थळी धाव घेत जखमींना प्राथमिक आरोग्य केंद्रात हलवले. त्यानंतर पुढील उपचारासाठी खामगाव येथील सामान्य रूग्णालयात हलविण्यात आले आहे. अपघातानंतर कंटेनर चालकाने पळ काढला. पण नागरिक आणि पोलिसांच्या प्रसंगावधानामुळे नांदुरा शहरात पकडण्यात आले आहे. याप्रकरणी कंटेनर चालक जीवन नलबतसिंग मालवी, मध्यप्रदेश याच्यावर गुन्हा दाखल करत नांदुरा पोलिसांनी अटक केली आहे.
