सोलापूर : जलाशयातून बोटीतून विहार करताना सेल्फी घेण्याचा मोह जीवावर बेतला आहे. यात बाप – लेकाचा पाण्यात बुडून दुर्देवी मृत्यू झाला आहे. अकलूज येथील बाप-लेकाचा वांगी-३ परिसरात उजनी जलाशयात बोटीत सेल्फी काढताना बोट उलटल्याने बुडून मृत्यू झाला. मयत व्यक्तीच्या पत्नीला आणि मुलीसह अन्य दोघांना वाचविण्यात यश आलेले आहे.
स्वाती शेंडगे व अंजली शेंडगे यांना पुढील उपचारासाठी कुटीर रूग्णालयात दाखल केलेले असून पुढील तपास करमाळा पोलीस करीत आहेत.
आज रविवारी अकलूज येथील विकास गोपाळ शेंडगे (वय ३९), स्वाती विकास शेंडगे (वय ३०), जय विकास शेंडगे (वय १३), अंजली विकास शेंडगे (वय-९ सर्व रा.ता. करमाळा, केम ) येथे नातेवाईकाकडे लग्न कार्यासाठी आले होते, त्यानंतर ते सर्व वांगी नं-३ येथे मित्र जयवंत सातव यांच्याकडे गेले होते.
तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध
* लग्नाला आले अन् बोटीतून फिरण्याची निर्माण झाली इच्छा
मित्र सातव यांनी शेंडगे कुटुंबीयांना बोटीतून फिरण्याची इच्छा झाल्याने ते उजनी जलाशयात मासेमारीसाठी असलेल्या बोटीतून दुपारी पावणे तीन वाजता सातव यांच्या बरोबर फिरण्यासाठी गेले असता बोट खोल पाण्यात गेल्यावर ते सेल्फी काढत असताना बोट पलटल्याने सर्व जण पाण्यात बुडले असता विकास शेंडगे आणि त्यांचा मुलगा अजिंक्य यांचा बुडून मृत्यू झाला तर विकास शेंडगे यांची पत्नी स्वाती शेंडगे आणि त्यांची मुलगी अंजली शेंडगे, जयवंत सातव व त्यांचा मुलगा यांना वाचविण्यात स्थानिक ग्रामस्थ व मच्छिमारांना यश आले.
