मुंबई : काही दिवसांपूर्वी दादरा-नगर हवेलीचे खासदार मोहन डेलकरांनी मुंबईत आत्महत्या केली. यावर सामनातून डेलकरांचा मृत्यू संशयास्पद असल्याचं म्हटलंय. डेलकरांनी भाजपत प्रवेश करण्यासाठी त्यांच्यावर दबाव होता, असे त्यांच्या सुसाईड नोटमध्ये लिहिलंय. तसेच, एका नटाची आत्महत्या देशात खळबळ माजवते मात्र, सातवेळा निवडून आलेले खासदार मुंबईत संशयास्पदरीत्या मृत पावतात त्यावर कोणीच बोलत नाही. असंही सामनातून म्हटलं आहे.
सिल्वासा, दादरा- नगर हवेलीचे खासदार मोहन डेलकर यांनी मुंबईत आत्महत्या केली. अभिनेता सुशांतसिंह राजपूत याच्या आत्महत्या प्रकरणात ज्यांनी देशभरात खळबळ माजवली त्या प्रत्येकासाठी डेलकरांची आत्महत्या हे आव्हान आहे. मोहन डेलकरांची आत्महत्या हे साधे प्रकरण वाटत नाही, अशी शंका शिवसेनेचे नेते संजय राऊत यांनी व्यक्त केली आहे. शिवसेनेचं मुखपत्र असलेल्या सामना वृत्तपत्रातून राऊतांनी मोहन डेलकर यांच्या मृत्यू प्रकरणावर भाष्य केलं आहे.
दादरा नगर हवेलीचे खासदार मोहन डेलकर यांनी मुंबईत आत्महत्या केली. मोहन डेलकर यांच्या आत्महत्येनं राजकीय क्षेत्रात खळबळ उडाली होती. काँग्रेसनं तर भाजपच्या त्रासाला कंटाळून डेलकर यांनी आत्महत्या केली असल्याचा आरोप केला आहे. त्यानंतर शिवसेनेनंही डेलकर यांच्या मृत्यू प्रकरणात शंका व्यक्त केली आहे.
तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध
सुशांत राजपूतने त्याच्या एका सिनेमात ‘आत्महत्या करू नये. निराश होऊ नये,’ असे संवाद फेकले. त्यामुळे सुशांतसारखा खंबीर मनाचा तरुण आत्महत्या कसा करील? सुशांतची आत्महत्या नसून हत्या असल्याची ‘पटकथा’ तयार झाली. त्या कथाकारांना डेलकरांच्या आत्महत्येमागे कोणतेच काळेबेरे दिसू नये? डेलकर यांनी त्यांची जीवनयात्रा संपवली, स्वतःचा अत्यंत दारुण शेवट त्यांनी करून घेतला याबद्दल किती जण हळहळले?,’ असा सवालही त्यांनी केला आहे.
* मोहन डेलकर आत्महत्या का करतील ?
मोहन डेलकर हे हिंमतबाज होते, ते पळपुटे नव्हते. ते आत्महत्या का करतील? त्यांना जय-पराजयाची चिंता कधीच वाटली नाही. अशा डेलकरांचा मृतदेह मुंबईतील हॉटेलात फासावर लटकलेला आढळतो व सगळे चूप आहेत. एका नटाची आत्महत्या खळबळ माजवते, एका नटीचे बेकायदेशीर बांधकाम तोडल्यावर हलकल्लोळ होतो, पण सातवेळा निवडून आलेले एक खासदार मुंबईत संशयास्पदरीत्या मृत पावतात त्यावर कोणी काहीच आपटायला तयार नाही,’ असंही राऊत म्हणाले आहेत.
* ‘सुसाईड नोट’ गुजरातीत लिहून ठेवली
मोहन डेलकर यांनी एक ‘सुसाईड नोट’ गुजरातीत लिहून ठेवली. ही नोट खरी असेल तर त्यात डेलकरांनी नक्की काय लिहिले? दादरा-नगर हवेलीचे प्रशासक डेलकरांचा छळ करीत होते, भाजपमध्ये प्रवेश करावा यासाठी त्यांच्यावर दबाव होता असे त्यांच्या सुसाईड नोटमध्ये लिहिले आहे. आपल्याला विरोध करणारा राजकारणी, कलाकार, सामाजिक कार्यकर्ता, चळवळ यांची मानसिक कोंडी करून त्यांना आत्महत्येच्या कड्यावर न्यायचेच अशी काही योजना ठरली आहे काय? मोहनने आत्महत्या केली, तो खून नाही हे मान्य केले तर मग ती का केली?,’ असा प्रश्नही त्यांनी उपस्थित केला.
