नवी दिल्ली : टीम इंडियाच्या महिला संघाची कर्णधार मिथाली राज हिने आज शुक्रवारी नवा किर्तीमान आपल्या नावे केला. मिथाली राज हिच्या आंतरराष्ट्रीय क्रिकेटमध्ये 10 हजार धावा पूर्ण झाल्या. आंतरराष्ट्रीय क्रिकेटमध्ये 10 हजार धावा करणारी मिथाली हिंदुस्थानची पहिली तर जगातील दुसरी महिला खेळाडू बनली आहे.
शुक्रवारी लखनौमध्ये हिंदुस्थान आणि दक्षिण आफ्रिका संघात पाच सामन्यांच्या मालिकेतील तिसरा एक दिवसीय सामना रंगला. या लढतीत 35 वी धाव घेताच आंतरराष्ट्रीय क्रिकेटमध्ये मिथालीच्या 10 हजार धावा पूर्ण झाल्या. हा कारनामा केल्यानंतर ती जास्त वेळ मैदानावर टिकू शकली नाही आणि 36 धावांवर बाद झाली.
मिथाली राज हिच्या आधी इंग्लंडच्या चार्लेट एडवर्डस हिने आंतरराष्ट्रीय क्रिकेटमध्ये 10 हजार धावांचा टप्पा ओलांडला.
तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध
एडवर्डस हिच्या नावावर 10, 273 धावांची नोंद आहे. तिच्या पुढे जाण्यासाठी मिथालीला आणखी 273 धावांची गरज असून असे झाल्यास सर्वाधिक धावांचा विक्रम तिच्या नावावर जमा होईल.
मिथाली राज हिने एक दिवसीय क्रिकेटमध्ये 212 लढतीत 6974 धावा केल्या आहेत. तर 89 टी-20 लढतीत तिच्या नावावर 2364 धावांची नोंद असून 10 कसोटीत 663 धावाही तिने केल्या आहेत. तिने आपल्या कारकीर्दीत आतापर्यंत 75 अर्धशतक आणि 8 शतक ठोकली आहेत. यातील 54 अर्धशतक आणि 7 शतक एक दिवसीय क्रिकेटमध्ये ठोकलेली आहेत. कसोटीमध्ये तिच्या नावावर 214 धावांची खेळी आहे.
What a champion cricketer! 👏👏
First Indian woman batter to score 10K international runs. 🔝 👍
Take a bow, @M_Raj03! 🙌🙌@Paytm #INDWvSAW #TeamIndia pic.twitter.com/6qWvYOY9gC
— BCCI Women (@BCCIWomen) March 12, 2021
दरम्यान, बीसीसीआयने या दमदार कामगिरीबद्दल तिचे अभिनंदन केले आहे.