भयंकर ! पुन्हा 2 लाखांपेक्षा जास्त कोरोना रुग्ण

नवी दिल्ली : (16 एप्रिल) देशात सलग दुसऱ्या दिवशी 2 लाखांपेक्षा जास्त कोरोना रुग्ण आढळले आहेत. गेल्या 24 तासात 2,17,353 कोरोना रुग्णांची नोंद झाली आहे. तर 1,185 जणांचा कोरोनाने मृत्यू झाला. सध्या देशात 15,69,743 कोरोना रुग्णांवर उपचार सुरू आहेत. तर आतापर्यंत देशात 11,72,23,509 लोकांना कोरोना लस देण्यात आली आहे. कोरोना रुग्ण संख्येच्या स्फोटाने चिंता वाढली आहे. त्यामुळे काळजी घ्या, मास्क वापरा. सुरक्षित राहा.

सोलापुरात कोरोना बळीचे 'रेकॉर्डब्रेक'; एकाच दिवसात 30 जणांचा मृत्यू https://t.co/DxcC3PpR26

— Surajya Digital (@SurajyaDigital) April 16, 2021

देशभरात कोरोनाच्या रुग्णसंख्येत झपाट्याने वाढ होताना दिसत आहे. देशात गेल्या 24 तासात कोरोनाच्या 2.17 लाख नव्या रुग्णांची नोंद झाली असून 1185 रुग्णांना आपला प्राण गमवावा लागला आहे. गेल्या 24 तासात 1.18 लाख रुग्ण कोरोनातून बरे झाले आहेत. या आधी, बुधवारीही दोन लाखांच्या वर कोरोनाच्या रुग्णसंख्येत भर पडली होती. त्यामुळे देशातली परिस्थिती दिवसेंदिवस चिंताजनक होत असल्याचं दिसून येतंय.

देशातील कोरोनाचा मृत्यूदर हा 1.23 टक्के आहे तर रिकव्हरी दर हा 88 टक्के इतका आहे. एकूण ॲक्टिव्ह केसच्या प्रमाणात वाढ झाली असून ती 10 टक्क्याहून जास्त झाली आहे. कोरोनाच्या ॲक्टिव्ह रुग्णसंख्येच्या बाबतीत भारताचा जगात तिसरा क्रमांक लागतोय तर एकूण रुग्णसंख्येच्या बाबतील जगात दुसरा क्रमांक लागतोय.

तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध

महाराष्ट्रात काल गुरुवारी 61,695 नवीन रुग्णांची भर पडली आहे तर 53,335 रुग्ण बरे होऊन घरी गेले आहेत. राज्यातील रुग्ण बरे होण्याचे प्रमाण 81.3 टक्के एवढे आहे. राज्यात गुरुवारी 349 कोरोना बाधित रुग्णांच्या मृत्यूंची नोंद झाली आहे. सध्या राज्यातील कोरोना मृत्यूदर 1.63 टक्के एवढा आहे. राज्यात एकूण 6,20,060 ॲक्टिव्ह रुग्ण आहेत.

सोलापुरातील नेत्याचा कोरोनामुळे मृत्यू, उपमुख्यमंत्र्यांच्या सभेत स्टेजवर होती उपस्थिती https://t.co/Vaefx06LGz

— Surajya Digital (@SurajyaDigital) April 16, 2021

दिल्लीमध्ये कोरोनाच्या रुग्णसंख्येत झपाट्याने वाढ होत आहे. दिल्लीत गुरुवारी 17 हजाराच्या जवळपास कोरोना रुग्णांची नोंद झाली असून त्यामध्ये 112 जणांना आपला प्राण गमावावा लागला आहे. दिल्लीमध्ये एकूण मृतांची संख्या आता 11,652 इतकी झाली आहे.

मुंबईमध्ये काल गुरुवारी कोरोनाच्या 8,217 नव्या रुग्णांची भर पडली आहे. त्यामध्ये 49 रुग्णांचा मृत्यू झाला होता. मुंबईमध्ये आता एकूण कोरोना रुग्णांची संख्या ही पाच लाख 53 हजार 159 इतकी झाली असून मृतांची एकूण संख्या ही 12,189 वर पोहोचली आहे.

* देशातील आजची कोरोनाची स्थिती