मुंबई : अभिनेता आमिर खानने काही महिन्यांपूर्वीच किरण रावशी घटस्फोट घेत असल्याचे जाहीर केले होते. त्यानंतर आमिर अभिनेत्री फातिमा सना शेखसोबत रिलेशनशीपमध्ये असून तिसरं लग्न करणार, अशी चर्चा होती.
या चर्चेविषयी लवकरच घोषणा होणार, असेही वृत्त सोशल मीडियावर सध्या चर्चेत आहे. गेल्या काही दिवसांपासून आमिर खान हा चित्रपटांसह त्याच्या खासगी आयुष्यामुळेही चर्चेत असतो. आमिर हा लवकरच तिसरं लग्न करणार असल्याच्या चर्चांना उधाण आलं आहे. आमिर हा अभिनेत्री फातिमा सना शेखसोबत रिलेशनशिपमध्ये असल्याच्या चर्चा सुरु आहेत. लवकरच हे दोघेही विवाहबंधनात अडकणार असल्याचे बोललं जात आहे.
मात्र या सर्व अफवा असून यासंबंधीची बातमी चुकीची आहे, तिसऱ्या लग्नाचा कोणताही विचार नाही, असा खुलासा आमिरकडून करण्यात आला आहे.
तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध
विशेष म्हणजे अभिनेत्री फातिमा सना शेखसोबत तो लग्न करणार असल्याचे बोललं जात आहे. फातिमाने आमिरसोबत ‘दंगल’ आणि ‘ठग्स ऑफ हिंदुस्तान’ या चित्रपटात काम केले आहे. किरण रावसोबत घटस्फोट घेतल्यानतंर आमिर हा फातिमासोबत रिलेशनशिपमध्ये असल्याच्या चर्चा होती. यावरुन आमिरला अनेकांनी ट्रोल केले होते.
आमिरने या संपूर्ण प्रकरणावर स्पष्टीकरण दिले आहे. एका वृत्तवाहिनीशी बोलताना आमिरच्या जवळच्या सूत्राने सांगितले की, “आमिर खान तिसरं लग्न करणार असल्याची बातमी पूर्णत: चुकीची आणि खोटी आहे. आमिर तिसरे लग्न करण्याच्या कोणत्याही विचारात नाही. त्यामुळे मीडियामध्ये त्यांच्याबद्दल ज्या काही बातम्या येत आहेत, त्या पूर्णपणे निराधार आहेत,” असे स्पष्टीकरण दिले आहे.
आमिर खानने आतापर्यंत दोन लग्न केले आहेत. 1987 मध्ये अभिनेत्याने रीना दत्तासोबत पहिलं लग्न केलं. 2002 मध्ये दोघांचा घटस्फोट झाला. यानंतर आमिर खानने किरण रावसोबत दुसरं लग्न केलं. पण दोघांचे नातेही फार काळ टिकले नाही. आमिर खानला इरा खान, जुनैद खान आणि आझाद राव खान अशी तीन मुले आहेत.