तुळजापूर : तुळजापूर तालुक्यातील अणदूर येथील कुलदैवत श्री खंडोबाची यात्रा उद्या रविवार, ५ डिसेंबर रोजी भरणार आहे. यात्रेनिमित्त विविध धार्मिक कार्यक्रमांचे आयोजन करण्यात आले आहे. त्याअनुषंगाने यात्रा कमिटीकडून जय्यत तयारी करण्यात येत आहे. दरम्यान, सोमवारी पहाटे श्री खंडोबाचे नळदुर्गमध्ये (मैलारपूर) आगमन होणार आहे.
अणदूरच्या यात्रेनिमित्त विविध धार्मिक कार्यक्रमांचे आयोजन करण्यात आले आहे. रविवारी सकाळी ९.३० वाजता श्री खंडोबाची महापूजा होणार आहे.
दिवसभर भंडारा-खोबरे उधळणे, महानैवेद्य दाखवणे आदी कार्यक्रम पार पडतील. रात्री १०. वाजता श्रींची छबिना मिरवणूक काढण्यात येणार आहे. रात्री १२ वाजता नळदुर्गच्या मानक-यांचे आगमन, त्यानंतर मानपानाचा कार्यक्रम होणार आहे. त्यानंतर अणदूर-मैलारपूरख्या मानक-यांत खंडोबाची मूळ मूर्ती नेणे व आणण्याचा लेखी करार होणार आहे. मध्यरात्री २.३० वाजता खंडोबाच्या मूर्तीच्या पालखीचे मैलारपूरकडे प्रस्थान होणार आहे. पहाटे ५ वाजता मैलारपूर ( नळदुर्ग) मंदिरात श्रींच्या आगमनानंतर विधिवत प्रतिष्ठापना केली जाणार आहे.
तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध
श्री खंडोबा हे महादेवाचे अवतार असून खंडोबाची महाराष्ट्रात आठ प्रमुख ठिकाणे आहेत. त्यापैकी अणदूर-मैलारपूर (नळदुर्ग) महत्वाचे स्थान म्हणून ओळखले जाते. दमयंती राणीच्या भक्तीसाठी खंडोबा नळदुर्ग येथे प्रकट झाले, अशी आख्यायिका आहे. खंडोबा आणि बाणाई यांचा विवाह नळदुर्ग (मैलारपूर) येथे झाला होता, म्हणून या स्थानाला अनन्यसाधारण महत्व आहे.
आणखी एक वैशिष्ट्य म्हणजे अणदूर मैलारपूर या दोन्ही ठिकाणी खंडोबाची मंदिरे असून दोन्ही ठिकाणचे अंतर चार किलोमीटर आहे. खंडोबाचे अणदूर येथे सव्वादहा महिने व मैलारपूर (नळदुर्ग ) येथे पावणेदोन महिने वास्तव्य असते. मंदिर दोन आणि मूर्ती एक, अशी परंपरा शेकडो वर्षांपासून सुरू आहे. तसेच अणदूरहून नळदुर्गला आणि नळदुर्गाहून अणदूरला देवाची मूर्ती नेताना दोन्ही गावातील मानक लेखी करार केला जातो, हे विशेष.
यात्रेनिमित्त मंदिरावर मंदिरावर विद्युत रोषणाई केली आहे. तसेच भाविकांसाठी विविध सोयी सुविधा उपलब्ध करून देण्यात आल्या आहेत. खंडोबा मंदिर समिती व खंडोबा यात्रा कमिटी यंदाची यात्रा सुरळीत पार पाडण्यासाठी परिश्रम घेत आहेत.
I was very pleased to find this website on bing, just what I was searching for : D as well saved to my bookmarks .
503548 396047Nowhere on the Internet is there this significantly quality and clear info on this topic. How do I know? I know because Ive searched this topic at length. Thank you. 644008