नवी दिल्ली – केंद्राने डोस घेण्याची परवानगी जरी बुस्टर दिली असली तरी हा डोस मोफत उपलब्ध होणार नाही. सीरमचे मुख्य कार्यकारी अधिकारी अदर पूनावाला यांच्या म्हणण्यानुसार कोविशिल्डची किंमत टॅक्ससहीत ६०० रुपये असणार आहे. त्याचबरोबर कोवोव्हॅक्सच्या बुस्टर डोसची किंमत ९०० रुपये बुस्टर असून त्यावर टॅक्स लागणार आहे.
१८ वर्षांवरील सर्व नागरिकांना आता रविवार म्हणजेच १० एप्रिलपासून खासगी लसीकरण केंद्रावर कोरोनाचा तिसरा डोस अर्थात बुस्टर डोस दिला जाणार आहे. जर कोणी व्यक्ती कोरोनाचा बुस्टर डोस घेऊ इच्छित असेल तर , तो खासगी रुग्णालयात जाऊन तिसरा डोस घेऊ शकते.
देशातील १८ वषावरील सर्व नागरिकांना कोरोना प्रतिबंधक लसीचा बूस्टर डोस (दक्षता मात्रा) १० एप्रिलपासून देण्यात येणार असल्याची घोषणा केंद्रीय आरोग्य मंत्रालयाने केली. दक्षता मात्रा खासगी लसीकरण केंद्रातही उपलब्ध होणार आहे.
Booster dose for all over 18 years; The private booster dose will cost money
स्थानिक, देशासह जगभरातल्या बातम्या वाचण्यासाठी ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वर आवर्जून द्या भेट…
लसीचा दुसरा डोस घेउन नऊ महिने झालेल्यांना दक्षता मात्रा घेता येईल. सर्व खासगी केंद्रांमध्ये ही सुविधा असेल. केंद्रीय आरोग्य मंत्री मनसुख मांडिविया यांनी द्वीट करून ही माहिती दिली. लसीच्या आतापर्यंत १८५.३८ मात्रा देण्यात आल्या आहेत.
१५ वर्षांवरील ९६ टक्के लोकांना लसीची पहिली, तर ८३ टक्के लोकांना दुसरी मात्रा देण्यात आली आहे. २.४ कोटींहून अधिक आरोग्य व फ्रंटलाईन कर्मचारी तसेच ६० वर्षांवरील ज्येष्ठांना दक्षता मात्रा दिली आहे. 12 ते 14 वयोगटातील ४५ टक्के मुलांना पहिली मात्रा टोचण्यात आली आहे.
सध्या सर्व पात्र नागरिकांना लसीची पहिली आणि दुसरी मात्रा सरकारी केंद्रांद्वारे देण्याची मोहीम सुरूच राहील. तसेच आरोग्य व फ्रंटलाईन कर्मचाऱ्यांसह ६० वर्षांवरील ज्येष्ठ नागरिकांनाही दक्षता मात्राही सरकारी केंद्रांमधून देण्यात येईल. मात्र, १८ ते ५९ या वयोगटातील नागरिकांना दक्षता मात्रा निःशुल्क मिळणार नाही. कोविशील्डसाठी ६०० रुपये तर कोवोवॅक्ससाठी ९०० रुपये अधिक कर, असे शुल्क मोजावे लागेल. कोवॅक्सिनच्या दक्षता मात्रेची किंमत जाहीर करण्यात आलेली नाही.
