मुंबई – मंत्री धनंजय मुंडे यांना हृदयविकाराचा झटका आल्याची बातमी समोर आली आहे. त्यांना ब्रीच कँडी हॉस्पिटलमध्ये दाखल करण्यात आले आहे. आरोग्यमंत्री राजेश टोपे ब्रीच कँडी रुग्णालयात पोहोचले. त्यांनी तातडीने रुग्णालयात दाखल होत धनंजय मुंडे यांच्या प्रकृतीची चौकशी केली आहे.
४६ वर्षांचे असलेले धनंजय मुंडे यांच्यावर उपचार सुरू असून टोपे यांनी डॉक्टरांची भेट घेऊन नंतर पत्रकारांना मुंडे यांच्या प्रकृतीची माहिती दिली. ते म्हणाले की, मुंडे यांच्या प्रकृतीवर डॉक्टर लक्ष ठेवून आहेत. त्यांचे एमआरआय केले आहे. परिस्थिती नियंत्रित आहे. मी मुंडे यांच्याशी अर्धा तास चर्चा केली. त्यांनी गप्पा मारल्या. डॉ. समधानी यांच्या देखरेखीखाली मुंडे यांच्यावर उपचार सुरू आहेत. बाकी सविस्तर माहिती ऑफिसमध्ये आल्यावरच देता येईल, असे टोपे म्हणाले.
सोमवारी दिवसभर बीड आणि परभणी जिल्ह्याच्या दौर्‍यावर होते. मंगळवारी ते मुंबईत हाेते. सायंकाळी साडे सहा वाजता ते जनता दरबार आटोपून निवासस्थानाकडे निघाले असता त्यांच्या अचानक छातीत दुखू लागल्यानंतर तातडीने ब्रीच कँडीत नेण्यात आले. त्यांची प्रकृती स्थिर असून, काळजीचे कारण नाही, असे कुटुंबीयांनी सांगितले. हे नेमके कशामुळे घडले अशी विचारणा केल्यावर टोपे म्हणाले की, आज जनता दरबार होता. त्यासाठी मुंडे हे धावपळ करत होते. या ताणामुळे असे होऊ शकते. डॉक्टरांनी मला बोलावलेले आहे.
Minister Dhananjay Munde admitted to hospital with heart attack
Maharashtra's Social Justice Minister and NCP leader
Dhananjay Munde admitted to Breach Candy Hospital in Mumbai after he suffered a minor heart attack.(File Pic) pic.twitter.com/y5y9k99VW1
— ANI (@ANI) April 12, 2022
स्थानिक, देशासह जगभरातल्या बातम्या वाचण्यासाठी ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वर आवर्जून द्या भेट…
आता पुढील तीन चार दिवस त्यांना रुग्णालयात ठेवण्यात येणार आहे. गेल्या आठवड्यात त्यांची पत्नी करुणा मुंडेने धनंजय यांच्यावर काही गंभीर आरोप केले आहेत. करुणा मुंडे या २०२४ मध्ये निवडणुकीत उभ्या राहणार आहेत. मुंडे यांच्या अनेक पत्नी आणि सहा मुले असल्याचा दावाही त्यांनी केेला आहे. मुंडेवर असे आरोप झाल्यामुळे ते सार्वजनिक जीवनात थोडे मागे राहिले होते.
सर्व आवश्यक तपासण्या झाल्या असून सर्वकाही ठीक आहे, कामाच्या ताणामुळे असे होऊ शकते, असे आरोग्यमंत्री टोपे म्हणाले. दरम्यान सध्या तरी मुंडेंना काही धोका नसल्याचे त्यांच्यावर उपचार करणाऱ्या डॉक्टरांनी स्पष्ट केले आहे. पुढील तीन ते चार दिवस त्यांना रुग्णालयात ठेवण्यात येणार असल्याचेही टोपेंनी सांगितले.
□ धनंजय मुंडेंना हृदयविकाराचा झटका ही माहिती चुकीची – पंकजा मुंडे
#heartattack #PankajaMunde #DhananjayMunde #surajyadigital #मुंडे #सुराज्यडिजिटल #wrong #information
राज्याचे मंत्री धनंजय मुंडे यांना हृदयविकाराचा झटका आल्याची माहिती देण्यात आली होती. भाजप नेत्या पंकजा मुंडे यांनी रुग्णालयात जाऊन त्यांची भेट घेतली. त्यानंतर त्यांनी महत्त्वाची माहिती दिली. ‘धनंजय मुंडे यांना हृदयविकाराचा झटका ही चुकीची माहिती आहे, त्यांना विकनेस आला होता, भोवळ आली होती, असं त्यांनी सांगितलं. तसेच उद्या ते घरी येतील त्यांची तब्येत नॉर्मल आहे, असंही त्या म्हणाल्या.
