Saturday, January 28, 2023
Surajya Digital
  • होम
  • सोलापूर
  • महाराष्ट्र
  • देश – विदेश
  • गुन्हेगारी
  • राजकारण
  • टॉलीवुड
  • खेळ
  • ई पेपर
  • ब्लॉग
  • अर्थाअर्थ
  • शिवार
  • Techनिक
No Result
View All Result
Surajya Digital
No Result
View All Result

या’अटीवर मुख्यमंत्र्यांना ‘विठ्ठलाची महापूजा’ करण्यास निवडणूक आयोगाची परवानगी

On this condition, the Election Commission allowed the Chief Minister to pay homage to Vitthal

Surajya Digital by Surajya Digital
July 9, 2022
in Hot News, महाराष्ट्र, सोलापूर
0
आषाढीवर कोरोनाचं सावट; 6 नवीन रुग्ण, 39 रुग्णांवर उपचार सुरू, मुख्यमंत्र्यांना निमंत्रण
0
SHARES
76
VIEWS
Share on FacebookShare on Twitter

 

सोलापूर : ऐन आषाढी एकादशीच्या तोंडावर राज्यातील नगरपलिका निवडणुका जाहीर होत आचारसंहिता लागू झाल्याने मुख्यमंत्र्यांच्या महापूजेवर प्रश्नचिन्ह निर्माण झाले होते. मात्र, कोणत्याही योजना, विकासनिधी यांची घोषणा न करण्याच्या अटीवर निवडणूक आयोगाने मुख्यमंत्री एकनाथ शिंदे यांच्या हस्ते विठ्ठलाची महापूजा करण्यास परवानगी दिली आहे. On this condition, the Election Commission allowed the Chief Minister to pay homage to Vitthal

 

संत ज्ञानेश्वर महाराजांच्या पालखी प्रस्थानाच्या दिवशी राज्यात राजकीय भूकंपास प्रारंभ झाला. सरकार बदलण्याची चिन्हे पालखी सोहळ्याच्या प्रस्थानापासून सुरू झाल्याने श्री विठ्ठलाची महापूजा कोणाच्या हस्ते होणार, असा प्रश्न निर्माण झाला होता. अशातच शपथविधीनंतर या प्रश्नावर पडदा पडलेला असताना राज्यातील ९२ नगरपालिकांच्या निवडणुका जाहीर झाल्याने आचारसंहिता लागू झाली आहे. त्यामुळे आता मुख्यमंत्र्यांच्या हस्ते महापूजा होणार का, असा प्रश्न निर्माण झाला होता.

याबाबत जिल्हाधिकारी मिलिंद शंभरकर यांनी निवडणूक आयोगाकडे पत्रव्यवहार केला होता. निवडणूक आयोगाने मुख्यमंत्र्यांच्या दौऱ्याला हिरवा कंदील दाखवला होता. मात्र, कोणतीही योजना किंवा निधीची घोषणा न करता मुख्यमंत्र्यांना श्री विठ्ठलाची महापूजा करता येणार आहे. तसेच, या कार्यक्रमासाठी आवश्यक त्या परवानग्या घेण्याची अट घातली आहे. कार्यकर्त्यांचा मेळावा घेण्यासही हरकत नाही. मात्र, त्याठिकाणीही कोणतीही घोषणा करता येणार नाही, असे निवडणूक आयोगाने स्पष्ट केले आहे.

मुख्यमंत्र्याच्या पूर्व नियोजित दौऱ्यात कोणताही फरक किंवा बदल झालेला नाही. राज्यात नगरपालिकांच्या निवडणुका जाहीर झाल्याने आचारसंहिता सुरू असली तरी निवडणूक आयोगाने काही अटी घालून महापूजेला परवानगी दिली आहे. त्यामुळे प्रथेप्रमाणे महापूजा होईल, असे सोलापूरचे अतिरिक्त जिल्हाधिकारी संजीव जाधव यांनी स्पष्ट केले.

 

□ अखेर वारकऱ्यांसाठी टोलमाफीचे परिपत्रक जारी

 

मुख्यमंत्री एकनाथ शिंदे यांनी वारकऱ्यांसाठी टोलमाफीचा निर्णय घेतला होता. परंतू तरी देखील वारकऱ्यांकडून टोलवसुली केली जात होती. याच्या बातम्या प्रसिध्द झाल्यावर, राज्य सरकारने यासंबंधीचे परिपत्रक काढले आहे. ही सवलत फक्त 15 जुलैपर्यंत देण्यात आली आहे. उद्या म्हणजेच 10 जुलै रोजी आषाढी एकादशी आहे. त्यामुळे खूप लोक पांडुरंगाच्या दर्शनासाठी पंढरपूरला येत असतात.

 

 

स्थानिक, देशासह जगभरातल्या बातम्या वाचण्यासाठी ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वर आवर्जून द्या भेट…(बातमीसाठी मोबाईल – 9881192310 व्हाटसअपवर संपर्क करा)

□ आषाढी यात्रा : पंढरपुरात दहा लाख भाविक दाखल झाल्याचा अंदाज

 

पंढरपूर – आषाढी सोहळ्यासाठी दहा लाख भाविक पंढरपूरला आले असावेत, असा अंदाज आहे. दरम्यान दशमी दिवशी भरपावसात पालखी सोहळ्यांनी वाखरीतून प्रस्थान ठेवून पंढरपूर शहरात प्रवेश केला.

खरे दोन दिवस नवमी व दशमी ला पावसाची संततधार सुरू आहे. या पावसामुळे भाविकांची तारांबळ उडाली असली तरी वारीचा उत्साह कमी नाही. दर्शनरांग पत्राशेडपर्यंत गेली होती. सकाळी पंढरपूरला आलेल्या मानाच्या पालख्या वाखरीत जेथे संत ज्ञानेश्‍वर व संत तुकाराम महाराज पालख्या मुक्कामी होत्या तेथे दाखल झाल्या होत्या. येथे संतभेटीचा कार्यक्रम झाला. यानंतर सर्वच पालख्यांनी पंढरीकडे प्रस्थान ठेवले.

 

पंढरपूर शहरात 65 एकर भागात दीड लाखाहून अधिक भाविकांची राहण्याची व्यवस्था केली आहे. तेथे प्रशासनाने सुरक्षा, आरोग्य, पाणी, शौचालयं याची व्यवस्था चोख ठेवली आहे. दरम्यान शहरातील मठ , भक्तनिवास, लॉज तसेच गावभागात घरोघरी वारकरी उतरले आहेत. यासह मोकळी पटांगण ही वारकर्‍यांच्या राहुट्या व वाहनांनी भरून गेले आहेत. आषाढी यात्रेसाठी प्रशासकीय यंत्रणा सज्ज झाली असून शहरात पोलिसांनी जवळपास पाच हजार पोलीस तैनात केले आहेत.

 

मुख्यमंत्री एकनाथ शिंदे हे एकादशीची शासकीय महापूजा करणार आहेत. दरम्यान मंदिरे समितीच्यावतीने भाविकांच्या सोयीसाठी विविध उपाययोजना करण्यात आल्या आहेत. दर्शन रांगेत चहा, फराळाचे वितरण केले जात आहे. आज शनिवारी दशमी दिवशी पंढरीत भाविकांची गर्दी वाढल्यानंतर चंद्रभागा पात्रातही स्नानासाठी वारकरी मोठ्या संख्येने येत होते. वाळवंट व घाटांवर मोठा बंदोबस्त तैनात करण्यात आला आहे.

 

□ उद्या रविवारी सायंकाळी दीपक कलढोणे यांची अभंगवाणी 

#सोलापूर #sunday

सोलापूर – आषाढी एकादशी दिवशी उद्या रविवारी (दि.१० जुलै) सायंकाळी ५.३० वाजता गोविंदश्री मंगल कार्यालय जुळे सोलापूर येथे गायक दीपक कलढोणे यांचा अमृताची फळे हा कार्यक्रम सादर होणार आहे. निवेदन पत्रकार अरविंद जोशी यांचे राहणार आहे.

#solapur #अभंगवाणी #Abangan

अभंगवाणीसाठी संवादिनी व स्वरसाथ नीरज कलढोणे, वर्धराज मिर्जी, व्हायोलिन जयंत जोशी, तबला प्रसाद कुलकर्णी, मृदंग देवेंद्र अयाचित, तालवाद्ये अनंत जोशी व मल्लिकार्जुन कोरे, तानपुरा निरंजनी कलढोणे व गायत्री पोतदार तसेच सूत्रनिवेदन जगदीश पाटील आदींची साथसंगत लाभणार आहे.

 

Tags: #On #condition #Election #Commission #allowed #ChiefMinister #pay #homage #Vitthal#अटीवर #मुख्यमंत्री #एकनाथशिंदे #विठ्ठल #महापूजा #निवडणूक #आयोग #परवानगी
Previous Post

आषाढी यात्रा : पंढरपुरात दहा लाख भाविक दाखल झाल्याचा अंदाज

Next Post

मुख्यमंत्री एकनाथ शिंदे यांच्या हस्ते पार पडली विठुरायाची महापूजा, नवले कुटुंबाला मानाच्या वारकरीचा मान

Surajya Digital

Surajya Digital

Next Post
मुख्यमंत्री एकनाथ शिंदे यांच्या हस्ते पार पडली विठुरायाची महापूजा, नवले कुटुंबाला मानाच्या वारकरीचा मान

मुख्यमंत्री एकनाथ शिंदे यांच्या हस्ते पार पडली विठुरायाची महापूजा, नवले कुटुंबाला मानाच्या वारकरीचा मान

वार्ता संग्रह

July 2022
M T W T F S S
 123
45678910
11121314151617
18192021222324
25262728293031
« Jun   Aug »

ट्विटर पेज

Currently Playing

About Us

SurajyaDigital
सुराज्य डिजिटल हा ब्रँड जगाच्या काना-कोपऱ्यातील सर्वंकष माहितीचा अचूक खजिना आपल्यापर्यंत पोहोंचविण्याचे काम करतोय. टाईम मीडिया हाऊसचा हा ब्रँड अल्पावधीतच मराठी वाचकांचा अत्यंत विश्वासार्ह ब्रँड बनला आहे.जगभरातील घटनांचा वेगवान आढावा घेत त्यावर भाष्य करण्याबरोबरच वाचकांच्या आवडीचे विषय, करमणूक यासारखे दृक्श्राव्य व्यासपीठ उपलब्ध करून देण्यासाठी सुराज्य डिजिटल कटीबद्ध आहे. अधिक माहितीसाठी संपर्क करा timemediahouse@gmail.com timemarathi@gmail.com
  • Home
  • About Us
  • Contact Us
  • Disclaimer
  • Privacy Policy

© 2021 Surajya Digital All Rights Reserved Website Design & Developed By Digi Buffalo 9028927697

No Result
View All Result
  • होम
  • सोलापूर
  • महाराष्ट्र
  • देश – विदेश
  • गुन्हेगारी
  • राजकारण
  • टॉलीवुड
  • खेळ
  • ई पेपर

© 2021 Surajya Digital All Rights Reserved Website Design & Developed By Digi Buffalo 9028927697