कबूल , 19 मे (हिं.स.)।अफगाणिस्तानात पुन्हा एकदा भूकंपाचे धक्के जाणवले आहेत. अफगाणिस्तानमध्ये आज, सोमवारी(दि.१९) सकाळी ८.५४ वाजता भूकंप झाला. रिश्टर स्केलवर त्याची तीव्रता ४.२ इतकी मोजली. भूकंपाचे केंद्र अफगाणिस्तानात होते, हे पाकिस्तानच्या सीमेजवळ जवळ होते.अशा परिस्थितीत पाकिस्तानच्या काही भागातही हे भूकंपाचे धक्के जाणवले.
माहितीनुसार, भूकंपाचे केंद्र हे जमिनीपासून १४० किलोमीटर खाली होते. रिश्टर स्केलवर या भूकंपाची तीव्रता ४.२ इतकी मोजली गेली आहे.गेल्या ४ दिवसांत हा चौथा भूकंप आहे. प्रत्यक्षात अफगाणिस्तान भारतीय आणि युरेशियन टेक्टोनिक प्लेट्समधील फॉल्ट लाइनवर आहे. भारतीय प्लेट युरेशियन प्लेटच्या खाली जाते तेव्हा हिंदूकुश पर्वतरांगांमध्ये भूकंपाचे धक्के जाणवतात.
दरम्यान, गुरुवारी (दि.१५) पहाटे भूकंपाच्या धक्क्यामुळे चीनची जमीन हादरली. एवढेच नाही तर गुरुवारी सायंकाळी तुर्कीला देखील भूकंपाचे हादरे बसले आहेत. पहाटे साडे तीनच्या सुमारास आलेल्या चीनमधील भूकंपाची तीव्रता 4.5 रिश्टर स्केल मोजण्यात आली आहे. तर तुर्कीला 5.2 रिश्टर स्केल तीव्रतेचा भूकंप आला होता. चीनमधील भूकंपाचे केंद्र जमिनीखाली १० किमीवर होते, असे सांगण्यात आले आहे.
