पुणे : “जिथं रोड बनेल तिथं टोल भरावाच लागतो, चांगले रस्ते हवे असतील तर टोल भरावा लागेल. तसेच युती सरकारच्या काळात टोल मुक्ती केली. तशी आम्ही करणार नाही. तसेच येत्या काळात रस्ते चांगल्या रस्ते होतील” अशी भूमिका केंद्रीय रस्ते वाहतूक मंत्री नितीन गडकरी यांनी पुण्यात आयोजित पत्रकार परिषदेत मांडली.
रस्ता खराब असताना टोल का भरावा? असे नागरिक विचारात आहेत. त्या प्रश्नावर नितीन गडकरी यांनी भूमिका मांडली. पुण्यातील चांदणी चौकात होणार्‍या रस्त्याच्या कामाचा आढावा घेण्यासाठी केंद्रीय मंत्री नितीन गडकरी हे आले होते. त्या वेळी ते बोलत होते. तळेगाव-चाकण-शिक्रापूर रस्त्यासाठी 600 कोटी मंजूर झाले असून ज्ञानेश्वर महाराज पालखी मार्गाचे काम वेगाने सुरु असल्याचे सांगितले.
तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध
यावेळी नितीन गडकरी यांनी देशभरात त्यांच्या मार्फत होणार्‍या कामांची माहिती देताना म्हणाले की, “मुबंई ते दिल्ली नवीन एक्स्प्रेस हायवे बांधत आहोत. तो 12 लेन रस्ता तयार करीत असून यामुळे 12 तासात दिल्लीमध्ये जाता येणार असल्याचे त्यांनी सांगितले.”
तसेच ते म्हणाले की, “संत तुकाराम महाराज आणि ज्ञानेश्वर महाराज पालखी मार्गाचे काम देखील सुरू झाले आहे. या कामास तब्बल 12 हजार कोटींचा खर्च येणार आहे. पण या रस्त्यावर आम्ही अनेकांच्या सुचना नुसार संत तुकाराम महाराज आणि ज्ञानेश्वर महाराज यांच्या अभंगातील ओव्या पालखी मार्गावर करणार आहोत. त्या उपक्रमात सर्वांनी सहभागी होण्याचे आवाहन त्यांनी केले.”
* तळेगाव-चाकण-शिक्रापूर रस्त्यासाठी 600 कोटी मंजूर
आजपासून 1 वर्षाच्या आत हे काम पूर्ण करता येईल का, याबाबत चाचपणी करण्याच्या सूचना दिल्यात. नवले पूल ते कात्रज बोगदा रस्त्याच्या कामाच्या सूचना दिल्यात. तसेच तळेगाव-चाकण-शिक्रापूर रस्त्यावर ही रहदारी वाढलीय. या रस्त्याच्या कामासाठी 600 कोटी मंजूर केलेत, त्याचे काम सुरू होईल. पुणे शिरूरनगर या रस्त्यावर रहदारी वाढली आहे
* ज्ञानेश्वर महाराज पालखी मार्गाचे काम वेगाने सुरु
ज्ञानेश्वर महाराज पालखी मार्गाचे काम वेगाने सुरू असून, तुकाराम महाराज पालखी मार्गाचे काम ही लवकरच वेगाने सुरू केले जाणार आहे. फेब्रुवारीनंतर मोठा कार्यक्रम घेऊन हे काम सुरू करणार असल्याचंही केंद्रीय मंत्री नितीन गडकरींनी सांगितलंय.
