सोलापूर : सोलापूर शहरात आज रविवारी कोरोनाचा आलेल्या अहवालानुसार पुन्हा तब्बल 162 रुग्ण आढळून आले. यामध्ये 82 पुरुष तर 80 महिला रुग्णांचा समावेश आहे. तर 3 रुग्णांचा मृत्यू झाला असून 43 रुग्णांना डिस्चार्ज मिळाल्याची माहिती पालिका प्रशासनाच्या वतीने देण्यात आली.
(तुमच्या हक्काचे ‘सुराज्य डिजिटल‘ फेसबुक पेज, ट्विटर, शेअरचॅट आणि टेलिग्रामवरही उपलब्ध)
शहरातील एकूण कोरोना बाधितांची 4 हजार 563 संख्या झाली असून त्यामध्ये पुरुष 2711 तर महिला 1852 रुग्णांचा समावेश आहे. आतापर्यंत शहरांमध्ये 345 जणांचा मृत्यू झाला आहे. त्यामध्ये पुरुष 225 तर महिला 120 रुग्णांचा समावेश आहे. रविवारी रात्री 8 वाजेपर्यंत 2700 अहवाल प्राप्त झाले. त्यापैकी 2538 अहवाल निगेटिव्ह तर 162 अहवाल पॉझिटिव्ह आले आहेत.
आतापर्यंत 27730 लोकांची तपासणी करण्यात आली. त्यामध्ये निगेटीव्ह अहवाल 22 हजार 877 आहे. तर 4 हजार 563 पॉझिटीव्ह आढळून आले. रुग्णालयात दाखल असलेल्या 1377 पॉझिटीव्ह रुग्णांची संख्या असून रुग्णालयातून बरे होऊन घरी गेलेल्यांची संख्या 2 हजार 841 आहे. रविवारी तीन पुरुष रुग्णांचा बळी गेला आहे.
