जळगाव : गादी भंडारमध्ये गाद्या भरण्यासाठी चक्क वापरुन फेकलेल्या मास्कचा वापर केला जात असल्याचा धक्कादायक प्रकार आज रविवारी समोर आला आहे. हा प्रकार जळगावातील कुसुंबा गावातील ग्रामस्थांच्या हा प्रकार लक्षात आला. यामुळे परिसरात खळबळ माजली आहे. कोरोनाचा प्रसार होत असताना हा प्रकार समोर आला आहे.
लसीकरणात महाराष्ट्राने ओलांडला १ कोटींचा टप्पा, मुख्यमंत्री उद्धव ठाकरे, आरोग्यमंत्री राजेश टोपे यांच्याकडून यंत्रणेचे कौतुक https://t.co/vOV1nymJHG
— Surajya Digital (@SurajyaDigital) April 11, 2021
तेथील लोकांनी माहिती दिल्यानंतर पोलिसांनी घटनास्थळी येत गादी भंडारचालकाविरोधात गुन्हा दाखल केला. अमजद अहमद मन्सुरी (वय ३८, रा. आझादनगर) याचे कुंसुबा नाका परिसरात महाराष्ट्र गादी भंडार सेंटर नावाचे दुकान आहे. या दुकानाच्या बाहेर मोठ्या प्रमाणात वापरलेल्या मास्कचा ढीगारा होता. कुसुंब्याचे पोलीस पाटील राधेशाम चौधरी, उपसरपंच विलास कोळी यांच्या निदर्शनास हा प्रकार आला. त्यांनी एमआयडीसी पोलीस ठाण्याचे सिद्धेश्वर डापकर व शांताराम पाटील यांना ही माहिती दिली. पोलिसांनी घटनास्थळी येऊन पाहणी केली.
तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध
गादी भंडारच्या बाहेर मोठ्या प्रमाणात वापरलेल्या मास्कचा ढिगारा आढळून आला. अमजद याला विचारणा केली असता त्याने पोलिसांना उडवाउडवीची उत्तरे दिली. मास्क कोठून आणले? याचीही माहिती त्याने दिली नाही. आपण रुग्णालयात दाखल होतो. मास्क कोणी आणले हे माहीत नसल्याचे तो पोलिसांना सांगता होता. या प्रकरणी डापकर यांनी दिलेल्या फिर्यादीवरून अमजद याच्या विरुद्ध एमआयडीसी पोलीस ठाण्यात गुन्हा दाखल झाला आहे.
