प्रश्न - कंत्राट कुणाला दिलं ? उत्तर - तुझ्या बापाला, महापौर वादात...!

मुंबई : कोरोना लसी विकत घेण्यासाठी मुंबई महापालिकेकडून ग्लोबल टेंडर काढण्याची प्रक्रिया सुरू आहे. यावर एकाने कंत्राट कुणाला दिलं? असं विचारलं. त्यावर मुंबईच्या महापौर किशोरी पेडणेकर यांच्या ट्विटर अकाउंटवरून ‘तुझ्या बापाला’ असे उत्तर दिले गेले. यामुळे पेडणेकर यांच्यावर मोठी टीका होत आहे. हे ट्विट डिलिट करण्यात आले आहे. तसेच आपण हे ट्विट केले नव्हते, एका कार्यकर्त्याने केले होते, असे पेडणेकर यांनी सांगितले.

भारतातील लोकांचं 'कंडोम' वापरण्याचं प्रमाण कमी, अहवालातील धक्कादायक खुलासेhttps://t.co/tVJ9YE3Sx7

— Surajya Digital (@SurajyaDigital) June 3, 2021

मुंबईच्या महापौर किशोरी पेडणेकर सध्या वादात अडकल्या आहेत. ट्विटरवर प्रश्न विचारणाऱ्या एका नेटकऱ्याचा बाप काढणं किशोरी पेडणेकर यांना चांगलंच महागात पडलं आहे. नेटकऱ्याने लसीसंदर्भात पालिकेने काढलेल्या ग्लोबल टेंडरसंबंधी प्रश्न विचारला असता किशोरी पेडणेकर यांनी आक्षेपार्ह शब्दात उत्तर दिलं. यानंतर सोशल मीडियावर किशोरी पेडणेकर ट्रोल होऊ लागल्या. अखेर त्यांनी हे ट्विट डिलीट केलं.

तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध

The lady in below tweet is Mumbai Mayor @KishoriPednekar

When asked who got the Vaccination Contract in @mybmc

She answers "तुम्हारे बाप को "

This is an insult to all #Mumbaikars waiting for Vaccination #ShivSenaInsultsMumbaikars pic.twitter.com/nif3GztZi7

— Devang Dave (@DevangVDave) June 2, 2021

किशोरी पेडणेकर यांनी एका वृत्तवाहिनीला मुलाखत दिली होती. ही मुलाखत त्यांनी आपल्या ट्विटरला शेअर केली होती. या मुलाखतीत त्यांनी एक कोटी लोकांना लस देण्यासंदर्भात पालिकेकडून काढण्यात आलेल्या ग्लोबल टेंडर तसंच त्याला कंपन्यांनी दिलेल्या प्रतिसादाचा उल्लेख केला होता.

या ट्विटवर एका व्यक्तीने कंत्राट कोणाला दिले? असा प्रश्न विचारला होता. यावर किशोरी पेडणेकर यांनी उत्तर देताना ‘तुझ्या बापाला’ असं म्हटलं. हे ट्विट व्हायरल होऊ लागल्यानंतर महापौरांवर मोठ्या प्रमाणात टीका होऊ लागली. सोशल मीडियावर ट्रोल होऊ लागल्यानंतर महापौरांनी अखेर हे ट्विट डिलीट केलं.

आषाढी यात्रेत विठ्ठल मंदिर बंदच, महापूजेसाठी मुख्यमंत्र्यांना निमंत्रण, उत्पन्न वाढीसाठी देवाच्या प्रतिमा तयार करून विक्री
https://t.co/EBp7IewEJy

— Surajya Digital (@SurajyaDigital) June 3, 2021

महापौरांच्या या आक्षेपार्ह भाषेवर विरोधकांनीही आक्षेप नोंदवला आहे. “मुंबईच्या पहिल्या नागरिक असल्याने लोकांना त्यांच्याकडून सार्वजनिक ठिकाणी सुसंस्कृत भाषेची अपेक्षा आहे,” असं भाजपाचे नगरसेवक भालचंद्र शिरसाट यांनी म्हटलं आहे. समाजवादी पक्षाचे रईस शेख यांनीदेखील महापौरांनी आपल्या कार्यालयाचा मान राखला पाहिजे असं मत व्यक्त केलं आहे.