नवी दिल्ली : गुजरातचे मुख्यमंत्री विजय रुपाणी यांनी काल शनिवारी आपल्या पदाचा राजीनामा दिला. त्यानंतर पुढचा मुख्यमंत्री कोण होणार याकडे सर्वांचे लक्ष लागले होते. त्यातच आता नव्या मुख्यमंत्र्यांचं नाव जाहीर झालं आहे. भूपेंद्र पटेल हे गुजरातचे नवे मुख्यमंत्री असणार आहेत. भाजपच्या बैठकीत हा निर्णय घेण्यात आला. यात महाराष्ट्रात जन्मलेले चंद्रकांत रघुनाथ पाटील यांचे नाव पिछाडीवर पडले आहे. भूपेंद्र पटेल यांच्या रुपाने पाटीदार समाजाकडे गुजरातचं मुख्यमंत्रिपद गेलं आहे.
गुजरातच्या नव्या मुख्यमंत्रिपदी भूपेंद्र पटेल यांच्या (Bhupendra Patel ) नावावर निश्चिती झाली आहे. भाजपच्या विधिमंडळ बैठकीत भूपेंद्र पटेल यांच्या नावावर एकमत झाले. भूपेंद्र सिंह पटेल हे गुजरातच्या घाटलोदिया मतदारसंघातून आमदार आहे.
भाजपनं गुजरातच्या नव्या मुख्यमंत्र्यांच्या नावाची घोषणा केली. गुजरातच्या मुख्यमंत्रिपदी भूपेंद्र पटेल यांची वर्णी लागली आहे. भूपेंद्र पटेल हे 2017 साली गुजरात विधानसभेत पहिल्यांदाच आमदार म्हणून निवडून आले आहेत. पटेल हे घाटलोदिया विधानसभा मतदारसंघातून आमदार म्हणून विधानसभेत निवडून आले आहेत. तब्बल एक लाख 17 हजार मतांच्या फरकाने ते आमदार म्हणून विजयी झाले होते.
तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध
भूपेंद्र पटेल यांनी अहमदाबाद जिल्ह्यातील घाटलोडिया मतदासंघातून 2017 ची निवडणूक लढवली होती. यावेळी काँग्रेसचे उमेदवार शशिकांत वासुदेवभाई पटेल यांचा पराभव केला होता. भूपेंद्र पटेल यांच्या रुपाने पाटीदार समाजाकडे गुजरातचं मुख्यमंत्रिपद गेलं आहे. त्यासोबतच गुजरातचे उपमुख्यमंत्री नितीन पटेल हे देखील मुख्यमंत्रिपदासाठी आग्रही होते. मात्र, त्यांना डावलून भूपेंद्र पटेल यांच्या नावावर शिक्कामोर्तब करण्यात आलं आहे.
भाजप आज रविवारी विधिमंडळ पक्षाची बैठक पार पडली. या बैठकी भूपेंद्र सिंह पटेल यांच्यावर नावावर एकमताने शिक्कामोर्तब करण्यात आले.
गुजरातमध्ये पुढे 2022 मध्ये निवडणुका होऊ घातल्या आहेत आणि असं मानलं जात की भाजपला विजय रुपाणींवर विश्वास नसल्यानेच हे राजीनामानाट्य झाले आहे. कोरोना काळात गुजरात सरकारचे अपयश हे देखील राजीनाम्याचे प्रमुख कारण आसल्याचे सांगितले जात आहे. रुपाणी यांच्या राजीनाम्यानंतर राज्यात मुख्यमंत्र्यांच्या खुर्चीवर कोण बसणार याबाबत अनेक अंदाज बांधले जात आहेत.
