नवी दिल्ली : भारतीय टेनिस स्टार सानिया मिर्झाने तिचा मुलगा इझान मिर्झा मलिकचा वाढदिवस पाकिस्तान क्रिकेट टीमसोबत साजरा केला. सानियाने इन्स्टाग्रामवर तिच्या मुलाच्या वाढदिवसाचे अनेक फोटो शेअर केले आहेत. ‘वाढदिवसाच्या शुभेच्छा. तीन वर्षांपूर्वी या दिवशी मी तुझी आई म्हणून पुनर्जन्म घेतला मी तुझ्यावर खूप प्रेम करते. आम्हाला पालक म्हणून निवडल्याबद्दल धन्यवाद’ अशा आशयाचे कॅप्शन तिने फोटोला दिले आहे.
पाकिस्तान संघाचा टी-२० विश्वचषक स्पर्धेतील आतापर्यंतचा प्रवास अतिशय नेत्रदीपक ठरला आहे, त्यांनी तिन्ही सामने जिंकत अव्वल स्थान पटकावले आहे. त्यामुळे संपूर्ण संघात आनंदाचे वातावरण आहे. अशातच सानिया मिर्झाने हे कृत्य केल्याने अनेकांच्या भुवया उंचावल्या आहेत.
सानिया मिर्झाने इझानच्या वाढदिवसानिमित्त एक पोस्ट लिहिली, “माझ्या संपूर्ण जगाला वाढदिवसाच्या शुभेच्छा. तीन वर्षांपूर्वी या दिवशी मी तुझी आई म्हणून पुनर्जन्म घेतला. मी तुझ्यावर खूप प्रेम करते. आम्हाला पालक म्हणून निवडल्याबद्दल धन्यवाद”, असे तिने पोस्टमध्ये म्हटले आहे. शोएब मलिक आणि सानिया मिर्झा क्रीडाविश्वातील पॉवर कपल म्हणून ओळखले जाते.
तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध
शोएब आणि सानिया दोघांचा एक चाहता वर्ग आहे. शोएब आणि सानियाने मुलगा इझान मिर्झा मलिकचा तिसरा वाढदिवस पाकिस्तान क्रिकेट संघ आणि त्यांच्या कुटुंबीयांसोबत साजरा केला. आयसीसी टी-२० विश्वचषक २०२१ स्पर्धेदरम्यान पती शोएब मलिकसोबत भारताची सानिया मिर्झा पाकिस्तान क्रिकेट संघाच्या बायो बबलमध्ये आहे.
सानियाने तिच्या इंस्टाग्राम अकाउंटवर तिच्या मुलाच्या वाढदिवसाचे अनेक फोटो शेअर केले आहेत. बॉलिवूड अभिनेत्री तथा विराटची पत्नी अनुष्का शर्मानेही इझानला वाढदिवसाच्या शुभेच्छा दिल्या आहेत. तसेच पाकिस्तानचा अनुभवी क्रिकेटपटू मोहम्मद हाफीज आणि त्याच्या पत्नीने इझानचा वाढदिवस साजरा केला.
