सोलापूर / करमाळा : करमाळा (Karmala) तालुक्यातील चिखलठाण येथे उजनी धरणात फिरण्यासाठी गेलेल्या मुंबई येथील युवकासह एक मच्छिमार असे दोघे बुडाले. आजच्या संक्रांत सणादिवशी (Sankranti Festival) ही दुर्घटना घडल्याने गावावर शोककळा पसरली आहे.
इकबाल शेख (वय 18, रा. मुंबई) असे त्या युवकाचे तर येथील समीर याकूब सय्यद असे मच्छिमाराचे नाव आहे. उजनी धरणात (Ujani Dam) फिरण्यासाठी गेलेल्या मुंबई (Mumbai) येथील युवकासह एक मच्छिमार (Fisherman) असे दोघे बुडाले. आज शुक्रवारी (ता. 14) सकाळी साडेअकरा वाजता ही घटना घडली. गावातील तरुण व मच्छीमारांनी शोध मोहीम सुरू केली आहे. वार्ता मिळताच पोलिस (Police) घटनास्थळी दाखल झाले. स्थानिक ग्रामस्थ व मच्छिमारांच्या मदतीने शोधकार्य सुरू आहे.
चिखलठाण (ता. करमाळा) येथे उजनी धरणात फिरण्यासाठी गेलेल्या मुंबई येथील युवकाचा होडीतून तोल (Balance) गेला. त्याला वाचवण्यासाठी दुसऱ्या मच्छीमार तरुणाने उडी मारली. बुडणाऱ्याने मच्छीमाराला मिठी मारल्याने दोघेही बुडाले. Fishermen with youth from Mumbai
Drowned in Ujani dam, search operation started
येथील समीर याकूब सय्यद हा उजनी धरणात मासेमारीचा व्यवसाय करतो. त्याच्याकडे मुंबई येथील पाहुणे आले होते. सकाळी नेहमीप्रमाणे मासेमारीसाठी उजनी धरणात निघाले असताना मुंबई येथील चार पाहुणे त्याच्यासोबत फेरफटका मारण्यासाठी गेले. धरणातील पाण्यात फेरफटका मारताना अल्ताफ इकबाल शेख या युवकाचा तोल गेल्याने तो पाण्यात पडला.
Happy New Year 2022 – नव्या वर्षात नात्यांची नवीन सुरूवात
स्थानिक, देशासह जगभरातल्या बातम्या वाचण्यासाठी ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वर आवर्जून द्या भेट…
त्याला वाचवण्यासाठी समीर याने पाण्यात उडी मारली. समीर मासेमारी करणारा पट्टीचा पोहणारा होता; मात्र अल्ताफने त्याला मिठी मारल्याने दोघेही पाण्यात बुडाले. होडीतील इतरांनी आरडाओरड केल्यानंतर आजूबाजूचे मच्छीमार आले. तोपर्यंत दोघे बुडाले होते. मच्छीमारांनी शोध सुरू केला आहे.
घटनास्थळ गावापासून जवळच असल्याने गावातील लोक मोठ्या प्रमाणावर जमले. या परिसरातील दहीगाव (Dahigaon), चिखलठाण (Chikhalthan), केडगाव (Kedgaon), कुगाव (Kugaon) परिसरातील मच्छीमार येऊन वडापच्या मदतीने त्यांचा शोध घेत आहेत; परंतु त्यांना यश आले नाही. तरीही गावातील तरुण व मच्छीमारांनी शोध सुरूच ठेवला आहे. पोलिस घटनास्थळी दाखल झाले असून, स्थानिक ग्रामस्थ व मच्छीमारांच्या मदतीने शोधकार्य सुरू आहे.
□ ट्रॅक्टरच्या धडकेने रस्ता ओलांडणारा विवाहित तरुण ठार
सोलापूर – वेगाने जाणाऱ्या ऊस वाहतूक करणाऱ्या ट्रॅक्टरच्या (tractor) धडकेने रस्ता ओलांडणारा विवाहित तरुण जागीच ठार झाला. हा अपघात गुरुवारी (ता. 13) सायंकाळच्या सुमारास बुधवार पेठेतील नरवीर तानाजी चौकात घडला. अपघातानंतर चालक ट्रॅक्टर साहित्य पळून जात होता. त्यावेळी आजूबाजूच्या नागरिकांनी पाठिलाग करून त्याला पकडून पोलीसांच्या स्वाधीन केले. A married young man was killed when a tractor hit him
