मुंबई/ नाशिक : चीन, थायलंड, दक्षिण कोरिया आणि इतर देशात पुन्हा कोरोनाचा कहर सुरु झाला आहे. ओमिक्रॉनचे रुग्णही वाढत आहेत. त्या पार्श्वभूमीवर महाराष्ट्राला सतर्क राहण्याच्या सूचना करण्यात आल्या आहेत. केंद्रीय आरोग्य राज्यमंत्री डॉ. भारती पवार यांनी ही माहिती दिली. मिझोराम, महाराष्ट्र व केरळमध्ये तुलनेने अधिक रुग्ण आहेत. त्यामुळे या राज्यांकडे अधिक लक्ष दिले जात असल्याचे पवार यांनी सांगितले.
भारती पवार यांनी माध्यमाशी बातचीत केली. संवादात कोरोना परिस्थितीबाबत घेतलेल्या आढावा बैठकीची माहिती दिली. चीनमधील वाढत्या बाधितांच्या संख्येच्या पार्श्वभूमीवर पंतप्रधान नरेंद्र मोदी यांच्यापाठोपाठ केंद्रीय आरोग्यमंत्री डॉ. मनसुख मांडवीय यांनी आढावा बैठक घेतली. चीन, दक्षिण कोरियासह इतर देशामधील कोरोनाबाधितांच्या वाढत्या संख्येमुळे पुन्हा एकदा केंद्र सरकारची चिंता वाढवली आहे.
केंद्रीय आरोग्य राज्यमंत्री भारती पवार यांनी संपूर्ण देशात मिझोराममधील काही जिल्ह्यासह महाराष्ट्र आणि केरळमध्ये तुलनेने रुग्ण संख्या जास्त असल्यामुळे या राज्यांकडे अधिक लक्ष दिले जात असल्याची माहिती दिली. महाराष्ट्रामध्ये गृह विलगीकरणात रुग्ण राहतात, त्यामुळे कोरोनाचा प्रसार अधिक होत असल्याचे केंद्र सरकारचे निरीक्षण आहे. चौथी लाट देशात येईल किंवा जून महिन्यात बाधितांची संख्या पुन्हा एकदा वाढेल असा अंदाज बांधला जात आहे. कुठल्या आधावर चर्चां होते माहिती नाही, व्हेरिएंटसारखा बदलत आहे, त्यावर लक्ष ठेऊन आहोत. पंचसूत्रीचा वापर केल्यास धोका जाणवणार नाही. Corona rises abroad, warning Maharashtra to be vigilant again
स्थानिक, देशासह जगभरातल्या बातम्या वाचण्यासाठी ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वर आवर्जून द्या भेट…
सध्या संपूर्ण देशात मिझोराममधील काही जिल्ह्यासह महाराष्ट्र आणि केरळमध्ये तुलनेने रुग्ण संख्या जास्त असल्याने या राज्यांकडे अधिक लक्ष दिले जात असल्याची माहिती केंद्रीय आरोग्य राज्यमंत्री भारती पवार यांनी माध्यमांना दिली. “महाराष्ट्रामध्ये गृह विलगीकरणात रुग्ण राहतात, त्यामुळे कोरोनाचा प्रसार अधिक होत असल्याचे केंद्र सरकारचे निरीक्षण आहे. देशात चौथी लाट येईल किंवा जून महिन्यात रुग्ण संख्या पुन्हा एकदा वाढेल असा अंदाज बांधला जात आहे.
सण उत्सवाच्या काळात अधिक काळजी घेण्याची गरज ही त्यांनी व्यक्त केली आहे, असे भारती पवार म्हणाल्या. ॲक्टिव्ह सर्व्हिलन्स चालू ठेवा, जिनोम सिक्वेसिंग करा, वेगळी लक्षणे दिसली तर लगेच यंत्रणांना कळवा, टेस्टिंग, ट्रीटमेंट, लसीकरणावर भर देतानाच बाहेरच्या देशातील एखादा रुग्ण आढळल्यास बाधितांची जिनोम सिक्वेसिंग करण्याच्याही सूचना देण्यात आल्याचं भारती पवार यांनी सांगितले.
