मोहोळजवळ दुचाकी – ट्रकचा अपघात; एक ठार तर एक जखमी

मोहोळ : दोन मोटारसायकलची समोरासमोर धडक होऊन पुढे जावुन ट्रकची धडक लागून झालेल्या अपघातात एकजण जागीच ठार तर एकजण जखमी झाला आहे. ही घटना आज शुक्रवारी (ता.15) रात्री आठ वाजण्याच्या दरम्यान घडली. मोहोळपासून दोन किलोमीटर अंतरावर हा अपघात झाला. Two-wheeler near Mohol – truck accident; One killed and one injured in a suicide attack in Solapur

याबाबत पोलिसांनी दिलेल्या माहितीनुसार नरखेडहून कामतीकडे एका मोटारसायकल वरून परमेश्वर शिवाजी भोसले व किरण काळे (वय २५ ) हे दोघेजण जात असता मोहोळपासून दोन किलोमीटर अंतरावर कल्याणी धाब्याजवळ एम एच १३ डी जे २५३१ या मोटार सायकलची धडक झाली. त्यात पुढे जावून विजापूरहून मोहोळकडे येणारा ट्रक (क्रमांक आर जे ०६ जी बी ६२ १६ ) ची समोरासमोर धडक बसली. या अपघातात परमेश्वर शिवाजी भोसले हा जागीच ठार झाला तर किरण काळे हा जखमी झाला.

जखमीला तातडीने पुढील उपचारासाठी सोलापूरकडे पाठवून देण्यात आले असून याबाबत मोहोळ पोलीस ठाण्यामध्ये ट्रकचालकासह एका मोटारसायकल चालकावर गुन्हा दाखल केला आहे. अधिक तपास आपघात पथकाचे पवार करीत आहेत.

स्थानिक, देशासह जगभरातल्या बातम्या वाचण्यासाठी ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वर आवर्जून द्या भेट…(बातमीसाठी मोबाईल – 9881192310 व्हाटसअपवर संपर्क करा)

https://www.facebook.com/109399567404448/posts/582519616759105/

□ केगावात गळपास घेऊन आत्महत्या

सोलापूर – केगाव (ता. उत्तर सोलापूर) येथील जिल्हा परिषद शाळेजवळ राहणाऱ्या नागेश कल्लप्पा दसाडे (वय ४०) याने राहत्या घरात गळफास घेऊन आत्महत्या केली. ही घटना काल सायंकाळच्या सुमारास घडली. या घटनेची नोंद फौजदार चावडी पोलिसात झाली असून या मागचे कारण समजू शकले नाही. पोलीस अधिक तपास करीत आहेत.

□ देशमुख वस्ती येथे अपघात, सायकल चालक ठार

सोलापूर – सलगर वस्ती परिसरातील देशमुख वस्तीजवळ अनोळखी वाहनाच्या धडकेने सायकल वरील बाळू नागप्‍पा चौंडे (वय ४० रा. हिरज ता.उत्तर सोलापूर) हे गंभीर जखमी होऊन उपचारादरम्यान मरण पावले.

काल गुरुवारी (ता. 14) सायंकाळी सात वाजेच्या सुमारास ते शहरातून घराकडे सायकलवरून येत होते. त्यावेळी हा अपघात झाला. त्यांना खाजगी रुग्णालयात प्राथमिक उपचार करून शासकीय रुग्णालयात दाखल केले असता ते उपचारापूर्वीच मयत झाले. या अपघाताची नोंद सलगर वस्ती पोलिसात झाली आहे.पोलीस अधिक तपास करीत आहेत.

https://www.facebook.com/109399567404448/posts/582533033424430/