सोलापूर: प्रतिनिधी
वीस दिवसापूर्वी जेल मधून सुटलेला कल्याण आणि नवी मुंबईचा सराईत गुन्हेगार शनिवारी किंवा रविवारी सोलापुरात यायचा अन बंद घराची रेकी करून भरदिवसा घरफोडी करून तो पसार व्हायचा. एकाच दिवशी सुमारे चार ते पाच घरे फोडणाऱ्या या आरोपीला पोलिसांच्या तिसऱ्या नजरेने हेरलेच अन हा आरोपी विजापूर नाका डी बी पथकाच्या जाळ्यात अडकला.
सॅमसन रुबीन डॅनियल (वय २५. रा. बेतुरकरपाडा, क्वालिटी कंपनी,डॅनियल हाऊस, रूम नं ५,कल्याण पश्चिम जिल्हा ठाणे) या सराईत गुन्हेगाराला पोलिसांनी तीन तासात अटक करून चोरीचे तीन गुन्हे उघडकीस आणले आहेत.
विजापूर नाका पोलीस स्टेशन हद्दीतील दाखल असलेल्या घरफोडीच्या घटनास्थळावरील सीसीटीव्ही फुटेज च्या साह्याने व तांत्रिक माहितीच्या आधारे सोलापूर रेल्वे स्टेशन येथे वरिष्ठ पोलीस निरीक्षक दादा गायकवाड यांच्या मार्गदर्शनाखाली सहायक पोलीस निरीक्षक शितल कुमार गायकवाड आणि त्यांच्या पथकाने सोलापूर रेल्वे स्टेशन येथे सापळा रचून सराईत गुन्हेगार सॅमसंग डॅनियल याला मोठ्या शिताफीने अटक केली आहे. व त्याच्याकडून 27 हजार 680 रुपयाचा मुद्देमाल जप्त करून चोरीचे तीन गुन्हे उघडकीस आणले आहेत.
————–
हातावरील टॅटू मुळे चोरीचा लागला छढा
शहरात विविध ठिकाणी चालत फिरून घरफोडी करणारा सॅमसन डॅनियल सीसीटीव्हीत कैद झाला होता.वेशभूषा बदलून घरफोडी करायचा.दुसऱ्या घरफोडीवेळी त्याने जीन्स आणि टी शर्ट परिधान केले होते त्यावेळी चोरट्याच्या हातावर टॅटू काढल्याचे दिसून आले.मुंबई व पुणे येथे सेवा बजावून सोलापुरात नव्यानेच नियुक्त झालेले वरिष्ठ पोलिस निरीक्षक दादा गायकवाड यांनी तपासाची सूत्रे फिरवीत चोरट्याच्या हातावरील टॅटू मुबंईकडील असल्याचं संशय असल्याने मुंबई व कल्याण येथे या आरोपीचे रेकॉर्ड तपासले तेव्हा वरील आरोपी हा कल्याण नवी मुंबई जळगाव येथील सराईत गुन्हेगार असल्याचे निष्पन्न झाले व वीस दिवसापूर्वीच जेलमधून सुटून आल्याने रेकॉर्डवरील फोटोच्या साह्याने व टॅटू मुळे या चोरीचा छडा लावण्यात पोलिसांना यश आले.
——–
वीकेंडला आखायचा चोरी करायचा प्लॅन
कल्याण व ठाणे येथील सराईत गुन्हेगार सॅमसन डॅनियल वीकेंडला सायंकाळी यायचा सोलापुरात अन दिवसभरात रेकी करून घरफोडी करायचा गेल्या पंधरा दिवसात दोन वेळा सोलापुरात येऊन त्यांनी घरफोडी केली आहे. यंदा मात्र त्याचा डाव फसला अन तो पोलिसांच्या जाळ्यात अडकला. त्याने दोन तासात ३ घरफोडी केल्या मात्र त्याच्या हाती म्हणाव तसे घबाड लागले नसल्याचे पोलिस सूत्रांनी सांगितले.
——-
ही विशेष कामगिरी पोलीस आयुक्त एम राजकुमार, पोलीस उपायुक्त परिमंडळ विजय कबाडे, सहाय्यक पोलीस आयुक्त अजय परमार, वरिष्ठ पोलीस निरीक्षक दादा गायकवाड, पोलिस निरीक्षक संगीता पाटील यांच्या मार्गदर्शनाखाली सहायक पोलिस निरीक्षक शितल कुमार गायकवाड, समाधान मारकड, गणेश शिर्के, हुसेन शेख, सचिन हार, संतोष माने, श्रीनिवास बोल्ली, अमृत सुरवसे, सद्दाम आबादी राजे, राहुल सुरवसे, स्वप्निल जाधव,रमेश कोर्सेगाव, हरिकृष्ण चोरमुले यांनी केली आहे.
