पंढरपूर प्रतिनिधी:- स्वर्गीय श्रद्धेय सुधाकर पंत परिचारक यांच्या चतुर्थ पुण्यतिथीनिमित्त आज वाखरी येथील श्री सुधाकरपंत परिचारक पांडुरंग सहकारी साखर कारखान्याच्या वाखरी येथील कर्मयोगी सुधाकरपंत परिचारक स्मृतीस्थळ वाखरी येथे भव्य अशा कार्यक्रमाचे आयोजन करण्यात आले होते या कार्यक्रमासाठी पंढरपूर व मंगळवेढा तालुक्यातून आणि पंढरपूर शहरातून जनसागर लोटलेले चित्र पहावयास मिळाले मालकांना अभिवादन करण्यासाठी जिल्ह्याच्या कानाकोपऱ्यातून जनसागर आज एकवटला होता .
पंढरपूर मतदार संघाचे सतत 25 वर्ष नेतृत्व केलेले एसटी महामंडळाचे मा. अध्यक्ष स्वर्गीय सुधाकर पंत परिचारक पुण्यतिथीनिमित्त आदरांजली वाहण्याच्या कार्यक्रमाचे आयोजन करण्यात आले होते.
पुण्यतिथीनिमित्त कर्मयोगी सुधाकर पंत परिचारक स्मृतीस्थळ वाखरी येथे भव्य अशा रक्तदान शिबिराचे आयोजन करण्यात आले होते या रक्तदान शिबिरात मोठ्या प्रमाणावर रक्तदानाने रक्तदान केले या कार्यक्रमाप्रसंगी सकाळी आदरांजली पर मनोगते मान्यवरांनी व्यक्त केली याप्रसंगी नामवंत कीर्तनकार ह. भ. प. जगताप महाराज यांचे प्रबोधनकार कीर्तन पार पडले. दुपारी १२:३० ला पुष्पांजली अर्पण करून आदरणीय मालकांना विनम्र अभिवादन करण्यात आले . यानंतर सर्वांना महाप्रसादाचे वाटप करण्यात आले.
