सोलापूर/प्रतिनिधी पंढरपूर येथील ६५ एकराच्या समोर असलेली रेल्वेची १६ एकर जागा जिल्हा प्रशासनाच्या ताब्यात आली आहे. या जागेत २५ कोटींच्या निधीतून संत शिरोमणी नामदेव महाराजांचे भव्य स्मारक उभारण्यात येणार असल्याची माहिती जिल्हाधिकारी कुमार आशिर्वाद यांनी दिली.
संत शिरोमणी नामदेव महाराज यांच्या स्मारक उभारणीसंदर्भात संबधित विश्वस्त संस्थांच्या पदाधिकार्यांसमेत जिल्हाधिकारी यांनी बैठक घेतली. यावेळी त्यांच्याकडून या स्मारकासाठी आवश्यक सूचनाही जाणून घेण्यात आल्या. सार्वजनिक बांधकाम विभागाकडून याबाबत अंतिम आराखडा तयार करुन या विभागाकडूनच स्मारकाचे काम पुर्ण करण्यात येणार असल्याचेही जिल्हाधिकारी यांनी यावेळी सांगितले.
पंढरपूरातील ६५ एकर क्षेत्राच्या समोर असलेल्या रेल्वे विभागाच्या जागेपैकी १६ एकर जागा रेल्वे प्रशासनाकडून महसूल प्रशासनाकडे हस्तातरीत करण्यात आली आहे. त्यामुळे ही जागा शासकीय मालकीची असणार आहे. या जागेतच संत शिरोमणी नामदेव महाराज यांच्या स्मारकासाठी आवश्यक जमिन उपलब्ध करुन देण्यात येणार असल्याचे जिल्हाधिकारी यांनी यावेळी सांगितले. लवकरच संत नामदेव महाराज यांचे स्मारक पंढरीत साकारणार या बैठकीस अखिल भारतीय क्षत्रिय नामदेव एकसंघचे संस्थापक अध्यक्ष महेश ढवळे, संत नामदेव शिंपी समाज पंढरपूरचे अध्यक्ष गणेश उंडाळे, नामदेव समाज उन्नती परिषदेचे अध्यक्ष संजय नेवासकर, सोलापूर शिंपी समाजाचे अध्यक्ष महेश रेळेकर, पश्चिम महाराष्ट्र संपर्कप्रमुख प्रथमेश परांडकर, नामदेव शिंपी समाज बहुउद्देशीय संस्थेचे युवराज चुंबळकर, राजेश केकडे, गुरुनाथ पतंगे, दास पतंगे, अनिल बोंडगे, धनंजय गोंदकर, नंदकुमार कोसबतवार यांच्यासह अन्य जिल्ह्यातून आलेले समाज बांधव उपस्थितीत होते.
चंद्रभागा नदीचे प्रदूषणाची होणार ड्रोनने तपासणी नमामी चंद्रभागा योजनेच्या धर्तीवर भिमा नदीत होणारे प्रदूषण रोखण्याचा प्रयत्न करण्यात येत आहे. यासाठी तीन कोटी रुपयांच्या निधीतून आवश्यक उपाय योजना करण्यात येत आहे. ज्या ठिकाणी प्रदूषण होते, अशा ठिकाणांचा शोध ड्रोनच्या माध्यमातून करुन याबाबत आवश्यक उपाय योजनांचे सादरीकरण एका संस्थेकडून होणार : जिल्हाधिकारी कुमार आशिर्वाद
