अमरावती, 21 एप्रिल (हिं.स.)
कोणतेही काम कमी नसते,आपल्या कुटुंबाला मदत व्हावी म्हणून अनेक युवक शिक्षण सोबतच वर्तमानपत्र वाटप करून आपल्या कुटुंबाला मदत करत असतात,अशाच प्रकारे वर्तमानपत्र वाटणारा मुलगा नवनित श्रीकृष्ण मदने याची नुकतीच राज्य लोकसेवा आयोगाच्या परीक्षेतून धर्मदाय आयुक्तालयात लिपिक म्हणून निवड झाली.तो रोज सकाळी वर्तमानपत्र विकायचा व भाजीपाला व्यवसाय सुद्धा करायचा,
अनेक वर्ष संघर्ष करून त्याने स्पर्धा परीक्षेची तयारी अरबट अकादमी येथे केली. त्याचे या मेहनतीला फळ येत त्याने लिपिक पदाची नोकरी प्राप्त केली.त्यानिमित्त त्याचे शिंगणे न्यूज पेपर एजन्सी दर्यापूरचे संचालक विनोद पाटील शिंगणे,सोनाळेकर न्यूज पेपर एजन्सी दर्यापूरचे संचालक बाळ सोनाळेकर आदींनी त्याचे स्वागत करून अभिनंदन केले.
