अमरावती, 28 एप्रिल (हिं.स.)
माझा मुलगा लहान आहे, मी त्याला विचारलं की कुराण वाचणार का ? तर तो म्हणतो की मी कट्टर हिदुत्ववादी आहे. गोळी खाणार पण कुराण वाचणार नाही, असे म्हणत भाजपा नेत्या, माजी खा. नवनीत राणा आपण कट्टर हिदुत्त्ववादी असल्याचे जाहीर केले.
भाजप नेत्या आणि माजी खासदार नवनीत राणा यांनी पुन्हा एकदा हिदुत्वाचा एल्गार केला आहे. पहलगाममध्ये दहशतवाद्यांनी कुराण वाचायला सांगितले. आमच्या बहिणींना वाचता आले नाही, तेव्हा दहशतवाद्यांनी सगळ्या हिंदूंना आणि मुस्लिमांना एकाबाजूला केलं. आमच्या हिंदू भावांनी गोळ्या खालल्या पण कलम (कुराण) वाचायला ते तयार झाले नाहीत, असे म्हणत नवनीत राणा यांनी पहलगाममधील घटनेची माहिती दिली.
पाकिस्तानचा बुट्टो सांगत आहे की, सिधु नदीचं पाणी थांबवलं तर त्याच नदीत हिंदूंचे रक्त दिसेल, अरे अख्ख्या पाकिस्तानमध्ये ताकद नाही की भारताकडे वाकड्या नजरेने पाहण्याची. कारण, भारतात वाघ राहतात, ज्यांचं नाव नरेंद्र मोदी, अमित शहा आहेत. आता पाणी काय तुमचं दाणा पण बंद करू, असे नवनीत राणा यांनी म्हटलं.
पंतप्रधान मोदी हे भुट्टो सारख्याला भुट्ट्यासारखं भाजतील, मला मोदीजी, अमित शहा यांच्यावर पूर्ण विश्वास आहे. आपल्या आयपीएलचा जेवढा खर्च आहे तितका पाकिस्तानचा खर्च आहे, तितका पाकिस्तानचा जीडीपी आहे, असेही राणा म्हणाल्या.
पहलगाममधील दहशतवादी हल्ल्यानंतर देशभरातून संताप व्यक्त होत आहे. पंतप्रधान नरेंद्र मोदींनी पाकिस्तानला थेट इशारा देत हल्लेखोर दहशतवाद्यांना कल्पेनेच्यापलिकडची शिक्षा देणार असल्याचं पीएम मोदींनी म्हटलं. तर, दुसरीकडे राज्यातील नेतेही पाकिस्थान विरोधात संताप व्यक्त करीत आहेत.
