नाशिक, 29 मे (हिं.स.)।
काँग्रेस नेते राहुल गांधी यांना धमकी देणाऱ्या शिवसेना शहर उपाध्यक्ष विरोधात गुन्हा दाखल करावा म्हणून अंबड पोलीस ठाण्यात या आंदोलन केले. तर, पोलिस आयुक्तांची भेट घेऊन निवेदन दिल्यानंतर या पदाधिकाऱ्या विरोधात गुन्हा दाखल करण्यात आला आहे.
उबाठा शिवसेनेचे शहर उपाध्यक्ष बाळा दराडे यांनी देशाची विरोधी पक्ष नेते व काँग्रेस पक्षाचे खासदार राहुल गांधी यांच्या बद्दल शिवसेनेच्या बाळा दराडे नामक कार्यकर्त्यांनी राहुल गांधी यांना नाशकात आल्यास त्यांच्यावर व त्यांच्या ताफ्यावर दगडफेक करू असे वक्तव्य करून एका प्रकारे जीवे मारण्याची धमकी देण्याचा प्रकार नाशिक मध्ये घडला.
नाशिक शहर काँग्रेस कमिटीच्या शिष्टमंडळ आणि शहराध्यक्ष आकाश छाजेड यांच्या नेतृत्वाखाली नाशिक शहराची पोलीस आयुक्त संदीप कर्णिक यांची भेट घेऊन निवेदन दिले.
राहुल गांधी यांना संविधानिक पदावर असल्यामुळे तसेच विरोधी पक्षनेतेपद हे संविधानिक असून या आधीच राहुल गांधी यांच्या जीवाला धोका असल्याचं वेळोवेळी निष्पन्न झाला आहे. त्यातच नाशिक शहरातील शिवसेनेचा बाळ दराडे नामक कार्यकर्त्याने असे वक्तव्य करत राहुल गांधी यांना जीवे मारण्याची धमकी दिलेली आहे. हे अतिशय निंदनीय असून पोलीस प्रशासनाने ताबडतोब या व्यक्तीवर गुन्हा दाखल करून त्यास कडक शासन करावे, अशी मागणी निवेदन देतावेळी काँग्रेस पदाधिकाऱ्यांनी केली.
त्यानंतर आयुक्त संदीप कर्णिक यांची भेट घेतल्यानंतर काँग्रेस पक्षाचे शिष्टमंडळ अंबडचे पोलीस निरीक्षक राकेश हांडे यांची भेट घेऊन सदर इसमावर गुन्हा दाखल करावा म्हणून ठिय्या मांडला. पोलीस निरीक्षक हांडे यांनी वरिष्ठांशी चर्चा करून तसेच काँग्रेस शिष्टमंडळाशी चर्चा करून सदर इसमावर गुन्हा दाखल केला आहे.
