अमरावती, 16 जून (हिं.स.)
विजबिल थकीत असल्याने महावितरणच्या सहाय्यक अभियंत्याने दोन आरोपींच्या घराचा विज पुरवठा खंडीत केला. त्यामुळे आवेशात अतिशय मद्यधुंद अवस्थेत असलेले दोन्ही आरोपीं चक्क पेट्रोलने भरलेली कॅन घेऊन महावितरणच्या कार्यालयात शिरले आणि सहाय्यक अभियंत्याच्या अंगावर पेट्रोल ओतून त्यांना जिवंत जाळण्याचा प्रयत्न केला. जिव वाचविण्यासाठी अभियंता तेथून पळाल्याने आरोपींनी त्यांच्या टेबलाला आग लावल्याने टेबलावरील कागदपत्रे व संगणक जळून खाक झाले.
वलगाव येथील महावितरणच्या कार्यालयातही घटना घडली असून याबाबत पोलिसांनी दोन्ही आरोपींना अटक केली आहे. या घटनेमुळे संपूर्ण महावितरण वर्तुळात एकच खळबळ उडाली आहे. वलगाव येथील महावितरणच्या तक्रारकर्त्याचे नाव गोपाल विनायक इंगळे (वय ३८) आहे. तर अटकेतील आरोपींची नावे अविनाश गोवर्धन झाले. निर्मळ (वय ३३) व विनित दिलिपराव तायडे (वय ३३) दोन्ही रा. वलगाव अशी आहेत.
माहितीनुसार, आरोपींच्या घराचे वीजबिल गेल्या अनेक महिन्यापासून बाकी होते. वलगाव महावितरणचे भरारी पथकाचे प्रमुख व वसूली मोहिम प्रमुख सहाय्यक अभियंता इंगळे यांनी अनेकवेळी दोन्ही आरोपींना विजबिल भरण्यासाठी तडजोड रक्कम आकारून दिली. परंतु, आरोपींनी मुदत संपल्यानंतरही तडतोड रक्कम न भरली नाही. त्यामुळे महावितरणने आरोपींच्या घराचा विज पुरवठा पोलवरून खंडीत केला. जेव्हा महावितरणच्या पथकाने ही कारवाई केली, तेव्हाच आरोपींनी प्रचंड राडा केला होता. तरी देखील महावितरणच्या पथकाने विज पुरवठा खंडीत करण्याची कारवाई पूर्ण केली. त्यामुळे दोन्ही आरोपी प्रचंड चिडलेले होते.
रविवारी दुपारी दोन्ही आरोपी अतिशय मद्यधुंद अवस्थेत हातात पेट्रोलने भरलेली कॅन घेऊन वलगाव महातिवरणच्या कार्यालयात दाखल आरोपींनी प्रचंड धुमाकूळ घालत थेट सहाय्यक अभियंत्याच्या अंगावर व टेबलावर पेट्रोल ओतले. लगेच अभियंता तेथून पळून गेले. अभियंता पळून गेल्याने आरोपींनी त्यांच्या टेबलाला आग लावली. आगीत टेबलावरील संगणक, महत्त्वाची कागदपत्रे व फाईल्स पूर्णतः जळून खाक झाल्या. घटनेची माहिती मिळताच वलगाव पोलिसांनी तत्काळ घटनास्थळी दाखल झाले. घटनेचे गांर्भीय लक्षात घेता वलगाव पोलिसांनी दोन्ही आरोपींची शोधमोहिम राबवून त्यांना अटक केली. पोलिसांनी दोन्ही आरोपींची इर्विनमध्ये वैद्यकीय तपासणी करण्यात आली
