नवी दिल्ली, 17 जून (हिं.स.)।
प्रीमियर
लीगचा प्रत्येक हंगाम जागतिक क्रिकेटला नवीन उदयोन्मुख क्रिकेटपटू देतो. आयपीएल २०२५ मध्ये दिग्वेश राठी आपल्या दमदार गोलंदाजी
आणि नोटबुक सेलिब्रेशनमुळे चर्चेचा विषय बनला. आता दिग्वेश राठीने स्थानिक
क्रिकेटमध्ये चांगली कामगिरी करत ५ चेंडूत ५ फलंदाजांना बाद करण्याची किमया साधली
आहे.
लखनऊ
सुपर जायंट्सने त्यांच्या अधिकृत एक्स अकाउंटवर एक व्हिडिओ शेअर केला आहे. दिग्वेश
राठीने ५ चेंडूत ५ फलंदाजांना बाद केले. त्यामुळे एलएसजी संघाचे मालक संजीव
गोएंकाही त्याच्या कामगिरीवर प्रतिक्रिया देण्यापासून स्वतःला रोखू शकले नाहीत.
सोशल
मीडियावर दिग्वेश राठीच्या कामगिरीवर प्रतिक्रिया देताना संजीव गोएंका म्हणाले, “मला हा व्हिडिओ सापडला ज्यामध्ये दिग्वेश
राठीने स्थानिक क्रिकेटमध्ये ५ चेंडूत ५ फंलदाजांना बाद केले आहे. लखनऊ सुपर
जायंट्सच्या उदयोन्मुख क्रिकेटपटूची एक मोठा क्रिकेटपटू बनण्यासाठीच्या प्रतिभेची
ही तर केवळ एक झलक आहे.”
