आरोपीकडून महत्त्वाची बनावट कागदपत्रे जप्त
कटक, 23 जून (हिं.स.) : बनावट कागदपत्रांच्या आधारे नाव बदलून भारतात वास्तव्याला असलेल्या एका अफगाण घुसखोराला शनिवारी ओडिशाच्या कटक येथून अटक करण्यात आली आहे. पोलिस आणि इमिग्रेशन अधिकारी त्याची कसून चौकशी करीत आहेत.
यासंदर्भात वरिष्ठ पोलिस अधिकाऱ्यांनी दिलेल्या माहितीनुसार आरोपीचे खरे नाव मोहम्मद युसूफ नसीम खान असे आहे. त्याला ओडिशा पोलिस आमि इमीग्रेशन अधिकाऱ्यांनी शनिवारी 21 जून रोजी ओडिशाच्या कटक विमानतळावरून अटक केली. सदर आरोपी मुळचा अफगाणीस्तानच्या काबुल येथील रहिवासी आहे. तो याहा खान, मोती खान नावाने ओडिशात वास्तव्याला होता.
त्याच्याकडून पोलिसांनी बनावट आधार कार्ड, पॅनकार्ड, मतदार ओळखपत्र यासह इतरही विविध कागदपत्रे जप्त केली आहेत. बंगलादेशींना अवघ्या 45 हजार रुपयांत बनावट कागदपत्रांसह भारतात वसवण्याच्या मोठ्या रॅकेटचा यापूर्वी भंडाफोड झाला आहे. त्यामुळे युसूफ खानच्या अटकेनंतर सुरक्षा यंत्रणा सतर्क झाल्या आहेत. युसूफचा बनावट नावाने भारतात येण्यामागे काय हेतू होता याचा देखील शोध घेतला जातोय. त्यानुषंगाने आरोपीची कसून चौकशी सुरू असल्याची माहिती पोलिस अधिकाऱ्यांनी दिली.
