अमेरिकेचा भारतावर २५% टॅरिफ ७ ऑगस्टपासून लागू; कॅनडावर आजपासून ३५% शुल्क

वॉशिंग्टन, 1 ऑगस्ट  – अमेरिकेचे राष्ट्राध्यक्ष डोनाल्ड ट्रम्प यांनी भारतावर लादण्यात येणारा २५% टॅरिफ आणखी ७ दिवसांसाठी पुढे ढकलला आहे. तो मूळत: आजपासून (१ ऑगस्ट) लागू होणार होता, मात्र आता तो ७ ऑगस्टपासून लागू होणार आहे. दरम्यान, कॅनडावरचा ३५% टॅरिफ आजपासूनच लागू करण्यात आला आहे.

ट्रम्प यांची नवी यादी

• भारतावर : २५% टॅरिफ (७ ऑगस्टपासून)

• पाकिस्तानवर : १९% (दक्षिण आशियातील सर्वात कमी दर)

• कॅनडा : ३५% (१ ऑगस्टपासून लागू)

• सिरिया : ४१% – सर्वाधिक टॅरिफ

• लाओस, म्यानमार : ४०%

• स्वित्झर्लंड : ३९%

• इराक, सर्बिया : ३५%

• ब्राझील, ब्रिटन : १०%

• न्यूझीलंड : १५%

पार्श्वभूमी

• ट्रम्प यांनी एप्रिल २०२५ मध्ये जागतिक टॅरिफची घोषणा केली होती.

• सुरुवातीला ९० दिवसांची मुदत देत ३१ जुलै अंतिम तारीख निश्चित केली होती.

• अमेरिकेने आतापर्यंत केवळ ७ देशांसोबत व्यापार करार केले आहेत.

भारतावर होणारा परिणाम

अमेरिकेच्या या निर्णयामुळे भारतातील खालील उद्योगांना मोठा फटका बसू शकतो :

• स्टील व अॅल्युमिनियम

• ऑटोमोबाईल्स

• कापड उद्योग

• इलेक्ट्रॉनिक्स

• दागिने

याशिवाय, अमेरिकेने स्पष्ट केले आहे की रशियाकडून शस्त्रे व तेल खरेदीबाबत भारतावर दंडात्मक कारवाई होऊ शकते.