सोलापूर, २३ ऑगस्ट: ज्येष्ठ पत्रकार आणि राजकीय विश्लेषक राजा माने यांना पत्रकारितेतील चार दशकांच्या योगदानाबद्दल “शांतीदूत” राज्यस्तरीय पुरस्काराने सन्मानित करण्यात आले. निवृत्त आयपीएस अधिकारी डॉ. विठ्ठलराव जाधव यांच्या हस्ते हा पुरस्कार प्रदान करण्यात आला.
राजा माने हे डिजिटल मीडिया संपादक पत्रकार संघटना महाराष्ट्र आणि प्रतिबिंब प्रतिष्ठानचे संस्थापक अध्यक्ष आहेत. तसेच ते महाराष्ट्र शासनाच्या शंकरराव चव्हाण पत्रकार कल्याण निधी समितीचे सदस्य आहेत. या प्रसंगी त्यांच्या पत्नी मंदा माने यांचा सुद्धा सन्मान करण्यात आला.
