लातूर, २५ ऑगस्ट: लातूर जिल्ह्यातील शेळगाव फाट्याजवळ एका सुटकेसमध्ये अंदाजे २२ ते २५ वर्षीय अज्ञात महिलेचा मृतदेह आढळून आला आहे. या घटनेमुळे परिसरात खळबळ निर्माण झाली आहे.
वाढवणा पोलीस ठाण्याने घटनास्थळी पोहोचून पंचनामा केला असून, मृतदेहाची ओळख आणि मृत्यूची कारणे निश्चित करण्यासाठी तपास सुरू केला आहे. मृतदेहाची ओळख अद्याप झालेली नसल्याने पोलिसांनी जनतेकडून माहिती मिळविण्याचा प्रयत्न केला आहे.
पोलिस अधिकाऱ्यांनी सांगितले की, मृतदेह पोस्टमॉर्टमसाठी रुग्णालयात हलवण्यात आला असून, प्रकरणाच्या सर्व बाजूंची चौकशी सुरू आहे.
