काबुल, 18 सप्टेंबर। अफगाणिस्तानमध्ये तालिबानने वेगळंच फर्मान जारी केला आहे. “अनैतिकता रोखण्यासाठी” या नावाखाली संपूर्ण देशात इंटरनल आणि फायबर‑ऑप्टिक सेवांवर प्रतिबंध घालण्यात आला आहे. यामुळे संपूर्ण देशात खळबळ उडाली आहे. तालिबानने सुरू केलेली ही कडक पावले आता सर्वत्र लागू झाली आहेत. देशाच्या सर्वोच्च नेत्याने फायबर-ऑप्टिक इंटरनेटवर पूर्णपणे बंदी घातल्यानंतर आणखी अनेक प्रांतांमध्ये इंटरनेट सेवा खंडित करण्यात आल्या आहेत.
तालिबानने ऑगस्ट 2021 मध्ये अफगाणिस्तानवर सत्ता हस्तगत केली होती. त्यानंतर हा पहिल्यांदाच असा व्यापक प्रतिबंध लावण्यात आला आहे. या निर्णयामुळे आता सरकारी कार्यालये, खासगी क्षेत्र, शैक्षणिक संस्था आणि सामान्य नागरी घरांमधील वायफाय इंटरनेट सेवा पूर्णपणे ठप्प झाली आहे. तथापि, मोबाइल इंटरनेट सेवा अद्याप सुरू आहे. अधिकार्‍यांचे म्हणणे आहे की “गरजेच्या कामांसाठी” पर्यायी उपाय शोधले जात आहेत.
मंगळवारी उत्तरी बल्ख प्रांतात वायफाय सेवा बंद झाल्याची पुष्टी झाली, तर देशाच्या इतर भागांमधूनही मोठ्या प्रमाणात व्यत्ययच्या बातम्या येत आहेत. आज, गुरुवारी बघलान, बदख्शान, कुंदुज, नंगरहार आणि तखार अशा प्रांतांमध्ये इंटरनेट सेवा पूर्णपणे बंद करण्यात आली आहे.
अफगाण मिडिया सपोर्ट ऑर्गनायझेशन यांनी या प्रतिबंधाची कडक निंदा केली आणि आपली खुली चिंता व्यक्त केली आहे. त्यांनी सांगितलं की, “तालिबान नेत्यानं दिलेल्या आदेशाने हे पाउल उचललं गेलं आहे , ज्यामुळे लाखो नागरिकांना मोफत माहिती आणि आवश्यक सेवा मिळण्यापासून वंचित व्हावं लागेल. हे अभिव्यक्ती स्वातंत्र्य आणि मीडिया कामासाठी देखील गंभीर धोक्याची बाब आहे.”
गेल्या वर्षी, संचार मंत्रालयाच्या प्रवक्त्या इनायतुल्लाह अलोकुज़ई यांनी सांगितले होते की, अफगाणिस्तानमध्ये फायबर‑ऑप्टिक नेटवर्कचे एकूण 1,800 किलोमीटरपेक्षा जास्त नेटवर्क आहे, आणि त्यात आणखी 488 किलोमीटर जोडण्यास मान्यता दिली जाणार आहे. नांगरहार संस्कृती संचालनालयाचे सिद्दीकुल्लाह कुरेशी यांनी या बंदीची पुष्टी केली. कुंडुझच्या राज्यपाल कार्यालयाने एका अधिकृत व्हॉट्सअॅप ग्रुपवर इंटरनेट बंदीची माहिती शेअर केली.
