सोलापूर : अकलूज (ता. माळशिरस) येथील महर्षी काॅलनी परिसरातील अल्पवयीन ४ मुले निरा नदीत पोहण्यास गेली असता पाण्यात बुडुन शक्ती चंद्रकांत गवळी (वय १६) व करण रणजीत लांडगे (वय १४ ) या दोघांचा आज शनिवारी दुर्दैवी मृत्यू झाला.
निरा नदीच्या घाटावर महर्षी काॅलनी येथील शक्ती चंद्रकांत गवळी, करण रणजीत लांडगे, अवधुत हिरा कांबळे, व भय्या जगन खंडागळे हे चौघेजण पोहायला गेले होते. नदिच्या पाञात पुढे खोल पाण्यात गेल्यावर त्यांना पाण्याचा अंदाज आला नाही. यामध्ये दोघांचा बुडुन मुत्यु झाला.
तुमच्या हक्काचे ‘सुराज्य डिजिटल’ फेसबुक पेज, ट्विटर, शेअरचॅट आणि ‘टेलिग्राम’वरही उपलब्ध
शक्ती गवळी व करण लांडगे यांनी त्यांना वाचवण्याचा अवधुत कांबळे आणि भय्या खंडागळे यांनी खूप प्रयत्न केला पण ते दोघे बुडाले.
यानंतर कांबळे आणि खंडागळे तरुणांनी नदी पाञाच्या बाहेर येऊन घरी फोन लावला आणि दोघे पाण्यात बुडल्याचे घटना सांगितली. यानंतर महर्षी नगरीमधील नागरिकांनी, तरुणांनी नीरा नदीकडे धाव घेतली. तरुणांनी नदीत उड्या मारुन शोधा-शोध सुरु केली असता काही वेळाने दोघांचेही मृत्युदेह सापडले. दोन्ही मुलांच्या घरच्यांनी नदीच्या कडेला टाहो फोडला.
