‘ येथे’ पत्नीशरच सत्तुर आणि वार, पुढे काय झालं मग ?
सांगोला -पत्नी पासून विभक्त राहणाऱ्या पतीने पत्नीच्या घरात घुसून तिला सत्तूर, लाथाबुक्क्या आणि दगडाने मारहाण करून जखमी केले. ही घटना गौडवाडी (ता.सांगोला) येथे सोमवारी सकाळच्या सुमारास घडली. याप्रकरणी सांगोल्याच्या पोलिसांनी जखमीच्या पतीविरुद्ध गुन्हा दाखल केला आहे.
अक्काताई दादासाहेब गडदे (वय ४२ रा. गौडवाडी) असे जखमी झालेल्या विवाहितेचे नाव आहे.
तिचा पती दादासाहेब सिताराम गडदे (रा.जुनोनी ता. सांगोला) याच्यावर पोलिसांनी गुन्हा दाखल केलाअसून तो घटनेनंतर पळून गेला आहे. अक्काताई गडदे या सोमवारी सकाळी घरात चहा पीत बसल्या होत्या. त्यावेळी त्यांच्या पती दादासाहेब हा घरात येऊन त्यांना विनाकारण शिवीगाळ करीत लाथाबुक्याने मारहाण केली. त्या घाबरून घराबाहेर आल्या असता त्याने घरातील सत्तुर घेऊन हातावर मारहाण केली. त्या पळून जात असताना पतीने त्यांना दगडाने डोक्यात मारून गंभीर जखमी केले. अशी नोंद पोलिसात झाली. पुढील तपास हवालदार भरमशेट्टी करीत आहेत.
