सोलापूर : जयहिंद शुगर्सचे चेअरमन गणेश माने देशमुख यांनी बुधवारी मुंबई येथे प्रदेशाध्यक्ष नाना पटोले यांच्या उपस्थितीत काँग्रेस पक्षात प्रवेश केला. यावेळी खासदार हुसेन दलवाई, आमदार प्रणिती शिंदे, धवलसिंह मोहिते पाटील, जिल्हाध्यक्ष प्रकाश वाले यांच्यासह काँग्रेस पक्षाचे नेते उपस्थित होते.
गणेश माने देशमुख यांच्या काँग्रेस पक्ष प्रवेशाने सोलापूर जिल्ह्यातील काँग्रेस पक्ष उभारणीसाठी मोठा फायदा होणार आहे. सहकार क्षेत्रात जयहिंद परिवाराच्या यशस्वी वाटचालीत गणेश माने देशमुख यांचे योगदान मोलाचे आहे.
तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध
त्यांच्यामुळे सोलापूरसह पश्चिम महाराष्ट्रात काँग्रेस पक्षाला मोठा फायदा होईल, असा अंदाज राजकीय वर्तृळातून व्यक्त होत आहे. आचेगाव सारख्या अक्कलकोट व दक्षिण सोलापूर या तालुक्यातील सीमेवर कारखाना सुरू करून शेतकरी बांधवाना दिलासा दिला देण्याचा प्रयत्न केला आहे.
* भाजपकडून विधानसभेसाठी होते इच्छुक
मागील विधानसभा निवडणुकीच्या तोंडावर मोठा शेतकरी मेळावा घेऊन भाजप कडून निवडणूक लढविण्याचा प्रयत्न केला होता. दुष्काळी भागातील जनतेला आणि शेतकरी यांच्यासाठी पाण्याची कमतरता भासू नये तसेच सेंद्रिय शेतीवर काम करणारे एक अभ्यासु उमदे नेतृव अशी त्यांची ख्याती आहे. आता ते काँग्रेस पक्षाच्या माध्यमातून आपली राजकीय कारकीर्द अधिकृतपणे अजमावत आहेत. त्यांच्या समर्थकानी या निर्णयाचे स्वागत केले आहे.
गणेश माने बापू हे कॉलेज ऑफ इंजिनीरिंग पुणे (सीओईपी)चे विद्यार्थी आहेत. ते एक दूरदृष्टी असलेले हे युवक नेते आहेत. त्यांची एक वैचारिक बैठक आहे. सर्वांना सतत मदत करणे हा त्यांचा स्थायीभाव आहे. सतत विधायक कामात राहणे हा त्यांचा पिंड आहे. आता येत्या काळात काँग्रेस पक्षाचे काम तळागाळातील जनतेपर्यत पोचवून जनतेच्या उत्कर्षात माझा सक्रिय सहभाग नोंदविणार असल्याचे त्यांनी म्हटले आहे.
