सोलापूर : एका अल्पवयीन मुलीवर अत्याचार केल्याप्रकरणी आरोपी अक्या उर्फ आकाश सिध्दराम शिंदे (वय- २१) याला न्यायालयाने दोषी ठरवले. फिर्यादीची शेजारीण ही फितुर झालेली असतानाही न्यायालयाने त्यांच्यापुढे आलेल्या पुराव्यावरुन आरोपीला दोषी धरुन शिक्षा ठोठावली. जिल्हा व सत्र न्यायाधीश यु. एल. जोशी यांनी सात वर्षे सक्तमजुरीची शिक्षा सुनावली.
याबाबत हकीकत अशी की, ०५ मे २०१७ रोजी दुपारच्या सुमारास यातील फिर्यादी ही घरामध्ये जेवण करत होती व त्यावेळी तिची अल्पवयीन नात पिडीता ही बाहेर खेळत होती. त्यावेळी तिच्या शेजारणीच्या मुलीने फिर्यादीला सांगितले की, आरोपी हा पिडीतेबरोबर काहीतरी करीत आहे, त्यावेळी फिर्यादी ही शेजारच्या घराकडे गेली असता त्या घराचे दार आतून बंद तेव्हा फिर्यादीने दाराच्या फटीतून पाहिले असता आरोपी हा स्वतःचे व पिडीतेचे कपडे काढून अत्याचार करताना आढळला.
हे पाहून फिर्यादी जोरात ओरडली असता त्याने दार उघडले. त्यावेळी पिडीता ही घाबरलेली होती. त्यावेळी फिर्यादीने या संदर्भात पिडीतल्या विचारले असता, तिने सांगितले की आरोपी हा तिला पैशे देतो असे म्हणून गोड बोलून घेवून जावून कपडे काढले होते असे सांगितले. त्यानंतर फिर्यादीने आरोपीला पोलीस स्टेशनला घेवून गेली व त्यानंतर फिर्याद दिली.
फिर्यादीवरुन आरोपी विरुद्ध ३७६ व लैंगिक अपराधापासून बालकाचे संरक्षण कागदा २०१२ अंतर्गत गुन्हा नोंद करण्यात आला. त्यानंतर यातील तपासिक अंमलदार यांनी तपास करून आरोपीविरुध्द न्यायालयात दोषारोपपत्र दाखल केले.
तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध
या प्रकरणात सरकारतर्फे एकूण ७ साक्षीदार तपासले. यामध्ये फिर्यादी पिडीता व तपासी अधिकारी यांची साक्ष महत्वाची ठरली. फिर्यादीची शेजारीण ही फितुर झालेली असतानाही न्यायालयाने त्यांच्यापुढे आलेल्या पुराव्यावरुन आरोपीला दोषी धरुन शिक्षा ठोठावली.
सरकारी वकिल अॅड. शैलजा क्यातम यांनी युक्तीवाद करताना हा गुन्हा गंभीर स्वरूपाचा असून, आरोपीला पिडीता ही लहान आहे हे माहित असतानाही त्याने अशा प्रकारचे विघातक कृत्य केल्याचे न्यायालयाच्या निदर्शनास आणले.
न्यायालयाने सरकार पक्षाचा पुरावा व युक्तीवाद ग्राह्य धरून आरोपीला भादवि कलम ३७६ सह ५११ आणि लैंगिक अपराधापासून बालकाचे संरक्षण कागदा २०१२ चे कलम ४ सह १८ अन्वये दोषी धरुन लैंगिक अपराधापासून बालकाचे संरक्षण कागदा २०१२ चे कलम ४ सह १८ अन्वये ७ वर्षे सक्तमजुरीची शिक्षा १०,०००/- दंड व दंड न भरल्यास १ महिना सक्त मजुरी अशी शिक्षा सुनावली.
यात सरकारपक्षातर्फे सहायक सरकारी वकिल अॅड. शैलजा क्यातम आणि अॅड. माधुरी देशपांडे यांनी काम पाहिले, तर आरोपी तर्फे अॅड. संतोष बाराचरे यांनी काम पाहिले. तसेच सदर प्रकरणात कोर्ट पैरवी म्हणून पो.कॉ. १४८२ एम.जी. कोणे यांनी मदत केली.
