अकोला, 18 जून (हिं.स.) : अकोल्यात एक धक्कादायक घटना समोर आली आहे. प्रेमाच्या जाळ्यात ओढून एका अल्पवयीन मुलीचे व्हिडिओ फोटो व्हायरल करत तिच्यावर अत्याचार केल्याची घटना घडली आहे. एका अल्पवयीन मुलीला शेजारीच राहणाऱ्या एका अल्पवयीन युवकाने प्रेमाच्या जाळ्यात ओढलं. विशेष म्हणजे हो दोघे ही अल्पवयीन आहेत. प्रेमाच्या जाळ्यात ओढल्यानंतर या तरुणाने मुली बरोबर शरीर संबध प्रस्थापित केले. यावेळचे फोटो आणि व्हिडीओ ही त्याने काढून ठेवले होते. त्या माध्यमातून तो त्या मुलीला सतत ब्लॅकमेल करत होता. त्यात तिचे शोषण तो करत होता. यातूनच या तरुणाने त्या तरूणीचे अश्लील फोटो इन्स्टावर व्हायरल केले.
अकोला शहरातील खदान पोलिस ठाण्यात हद्दीत एका अल्पवयीन मुलीला प्रेमाच्या जाळ्यात ओढून तिचे अश्लील व्हिडिओ- फोटो व्हायरल करण्याची धमकी देत तिच्यावर बलात्कार करण्यात आल्याची धक्कादायक घटना समोर आली आहे. या प्रकरणी गुन्हा दाखल करण्यात आला असून दोन आरोपींना अटक करण्यात आली आहे. मिळालेल्या माहितीनुसार आरोपींकडून त्या पीडितेला मारहाण करत शोषण केल्याची घटना समोर आली आहे.. याचा एक व्हिडिओ सोशल मीडियावर व्हायरल होतोय..
तर पिडीतेचे अश्लील फोटोही व्हायरल करण्यात आले आहेत. एका सामाजिक कार्यकर्त्याच्या मदतीने पीडितेच्या आई कडून अकोल्यातील खदान पोलीस स्टेशनला तक्रार दिली असून या प्रकरणी तिघांविरोधात गुन्हा दाखल करण्यात आला आहे. या प्रकरणातील आरोपी हे अल्पवयीन असल्याचं पोलिसांचं म्हणणं आहे. मात्र यामध्ये अधिक चौकशी करण्यात येत आहे. आरोपींनी पीडित मुलीचे अश्लील फोटो आणि व्हिडिओ काढून इंस्टाग्राम वर व्हायरल केले आहे.. दरम्यान या प्रकरणी आणखी पीडित आणि आरोपी वाढण्याची शक्यता देखील आहे. त्यामुळे पोलिसांनी त्या दिशेने तपास सुरू केला आहे
