नवी दिल्ली, २३ ऑगस्ट: भारतीय क्रिकेट नियामक मंडळाचे (बीसीसीआय) उपाध्यक्ष राजीव शुक्ला यांनी विराट कोहली आणि रोहित शर्मा यांच्या एकदिवसीय क्रिकेटमधून निवृत्तीच्या अफवा फेटाळून लावल्या आहेत. त्यांनी स्पष्ट केले की, “हे दोन्ही खेळाडू अजूनही एकदिवसीय क्रिकेट खेळत आहेत आणि बीसीसीआय कोणत्याही खेळाडूला निवृत्त होण्यासाठी दबाव आणत नाही.”
शुक्ला यांनी माध्यमांशी बोलताना म्हटले, “लोक चिंता का करतात? कोहली अत्यंत तंदुरुस्त आहेत आणि रोहित चांगले कामगिरी करत आहेत. निवृत्तीचा निर्णय खेळाडूंनी स्वतःच घ्यावा.” त्यांनी जोर दिला की बीसीसीआयचे धोरण स्पष्ट आहे आणि संस्था खेळाडूंवर निवृत्तीचा दबाव टाकत नाही.
या वक्तव्यानंतर क्रिकेट प्रेमींमध्ये राहिलेल्या अनिश्चिततेवर विराम लागला आहे. ऑक्टोबरमध्ये ऑस्ट्रेलियाविरुद्ध होणाऱ्या मालिकेनंतर दोन्ही दिग्गज खेळाडूंच्या भविष्यावर निर्णय घेण्याची शक्यता आहे.
