अमरावती, 3 मे (हिं.स.)छत्रपती शाहू महाराज संशोधन प्रशिक्षण व मानव विकास संस्था पुणे अर्थात सारथी अंतर्गत पीएचडी करणाऱ्या संशोधकांना अधिछात्रवृत्ती देण्याचा निर्णय महायुती सरकारने घेतला असून वर्ष २०२५-२०२५ च्या बजेट मध्ये ३०० कोटी रुपयांची तरतूद करण्यात आली. या निर्णयामुळे मागील तीन वर्षांपासून फेलोशिप च्या प्रतीक्षेत असलेल्या जवळपास ४८० विद्यार्थ्यांना दिलासा मिळाला असून त्यांना संशोधन कार्य करण्यासाठी अधिछात्रवृत्ती लवकरच बहाल करण्यात येणार आहे. या बद्दल आ.सौ. सुलभाताई संजय खोडके यांनी राज्याचे उपमुख्यमंत्री तथा वित्त व नियोजन मंत्री ना. अजितदादा पवार तसेच महायुती सरकारचे आभार मानीत अभिनंदन केले आहे.
सारथी संस्थे अंतर्गत पीएचडी अधिछात्रवृत्तीकरिता वर्ष २०२२-२३ मध्ये ९६९ विद्यार्थ्यांनी अर्ज केला असता या विद्यार्थ्यांना नोंदणी दिनांकापासून फेलोशिप देण्याचा निर्णय महायुती शासनाच्या वतीने घेण्यात आला. नंतर ९६९ विद्यार्थ्यांपैकी ८१० विद्यार्थ्यांनी सहामाही प्रगती अहवाल सादर करीत संशोधन कार्य सुरु केले. मात्र केवळ ३२४ विद्यार्थ्यांची अधिछात्रवृत्ती जमा करण्यात आली. तर ४८० विद्यार्थ्यांना अजूनही फेलोशिप न मिळाल्याने त्यांचे संशोधनकार्य पूर्ण होण्यास अडचणी निर्माण झाल्या. या संदर्भात सारथी अंतर्गत संशोधककार्य करणाऱ्या विद्यार्थ्यांनी आ. सौ. सुलभाताई संजय खोडके यांनी निवेदन डेनऊन न्याय मिळवून देण्याची मागणी केली होती.
त्याअनुषंगाने आमदार महोदयांनी राज्याचे उपमुख्यमंत्री ना. अजितदादा पवार यांना पत्र देऊन छत्रपती शाहू महाराज संशोधन प्रशिक्षण व मानव विकास संस्था पुणे अर्थात सारथी अंतर्गत पीएचडी करणाऱ्या संशोधकांना अधिछात्रवृत्ती देण्यासाठी निधी उपलब्ध करून देण्याची मागणी केली. यावर सारथी साठी वर्ष २०२५-२०२५ च्या बजेट मध्ये ३०० कोटी रुपयांची तरतूद करण्यात आली आहे. तसेच संशोधनकार्य करणाऱ्या विद्यार्थ्यांना त्वरितअधिछात्रवृत्ती देण्यासंदर्भात सुद्धा उपमुख्यमंत्री महोदयांनी सारथी पुणे प्रशासनाला निर्देशित केले आहे. त्यामुळे मागील ३ वर्षांपासून फेलोशिप मिळण्याच्या प्रतीक्षेत असलेल्या जवळपास ४८० विद्यार्थ्यांना मोठा दिलासा मिळाला आहे. या बद्दल या बद्दल आ.सौ. सुलभाताई संजय खोडके यांनी राज्याचे उपमुख्यमंत्री तथा वित्त व नियोजन मंत्री ना. अजितदादा पवार तसेच महायुती सरकारचे आभार मानीत अभिनंदन केले आहे. —————
