□ सिलिंडरमध्ये बेकायदेशीरपणे गॅस भरण्याचे काम
पुणे : पुण्यातील कात्रज परिसर मंगळवारी गॅस सिलेंडरच्या स्फोटाने हादरला. गंधर्व लॉन्सजवळ हे स्फोट झाले. याचा व्हिडिओ समोर आला आहे. जवळपास एकामागोमाग 20 सिलेंडरचे स्फोट झाले. सुदैवाने यात कोणतीही जीवितहानी झाली नाही. मात्र स्फोटांमुळे एकच खळबळ उडाली होती. एका स्टोरेज शेडमध्ये आग लागल्याने हे स्फोट झाले. अग्निशमन दलाच्या 6 गाड्यांनी या आगीवर नियंत्रण मिळवले. या घटनेत एक जण जखमी झाला.
कात्रज भागातील गंधर्व लॉनजवळ एका पत्र्याच्या शेडमध्ये ठेवण्यात आलेल्या स्वयंपाकाच्या गॅस सिलेंडरचे मंगळवारी सायंकाळी स्फोट झाले. एकापाठोपाठ वीस सिलिंडरचे स्फोट झाल्याने परिसरात घबराट उडाली. या घटनेची माहिती मिळताच अग्निशमन दलाचे बंब घटनास्थळी दाखल झाले. आग आटोक्यात आणण्यासाठी प्रयत्न सुरू झाले होते.
स्फोटप्रकरणी पुणे पोलिसांनी चार जणांवर गुन्हा दाखल केला आहे. व्यवसायिक सागर पाटील यांच्यासह संबंधित जागेचा मालक आणि आणखी दोन जणांवर गुन्हा दाखल करण्यात आला आहे. या ठिकाणी बेकायदेशीरपणे सिलेंडर भरण्याचे काम चालत होते. मात्र गॅस गळतीमुळे मंगळवारी एकापाठोपाठ 20-22 सिलेंडरचे स्फोट झाले. धक्कादायक म्हणजे याठिकाणी अनधिकृतरित्या सिलेंडरचा साठा मोठ्या प्रमाणात आढळून आला आहे. 141 छोटे तर 26 मोठे सिलेंडर पोलिसांनी जप्त केले आहेत.
20 cylinder blast shakes Pune! Four were charged
स्थानिक, देशासह जगभरातल्या बातम्या वाचण्यासाठी ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वर आवर्जून द्या भेट…
मंगळवारी (ता. 29) सायंकाळी कात्रज येथील सुधामाता मंदिर परिसरात एका पाठोपाठ 22 सिलिंडरचे स्फोट झाले. सिलिंडरमध्ये बेकायदेशीरपणे गॅस भरला जात असताना हे स्फोट झाले. या स्फोटांच्या आवाजाने संपूर्ण परिसरात आगीच्या ज्वाळा उसळत होत्या. घटनेची माहिती मिळताच अग्निशामक दलाच्या पथकांनी तातडीने घटनास्थळी धाव घेत अथक प्रयत्नानंतर एकूण आठ गाड्यांद्वारे आग आटोक्यात आणण्यात आली.
हा परिसर तीव्र डोंगर उताराचा असल्याने अग्निशमन दलाच्या गाड्या घटनास्थळी पोहचण्यात अडचणी येत होत्या. मात्र अग्निशमन दलाच्या जवानांनी 200 मीटर अंतरावरून पाणी आणून आग आटोक्यात आणण्यात यश मिळवले.
सुधामाता मंदिर परिसरातील एका पत्र्याच्या शेडमध्ये मोठ्या सिलिंडरमधून छोट्या पाच किलोच्या सिलिंडरमध्ये गॅस भरण्याचे काम अवैधपणे सुरु होते. पण सिलेंडर भरत असताना अचानक सिलिंडरमधून गॅस गळती होऊ लागली. गॅस गळतीमुळेच हे स्फोट झाले असण्याची शक्यता आहे. पोलिसांनी घटनास्थळावरुन 16 रिकामे आणि आठ भरलेले मोठे सिलिंडर जप्त केले आहेत.
