मुंबई : केंद्रीय मंत्री नारायण राणे यांनी आज पत्रकार परिषद घेतली. यावेळी त्यांनी योगी आदित्यनाथ आणि अमित शहा यांच्याबद्दल उद्धव ठाकरेंनी केलेल्या वक्तव्यांची आठवण करून दिली. अमित शहांना निर्लज्जपणाने हा शब्द ठाकरेंनी वापरला होता. तर, योगी आदित्यनाथ यांना ढोंगी म्हणत चप्पलेने मारावे, असं ठाकरेंनी म्हटलं होत. त्यामुळे पवारसाहेब ज्याला मुख्यमंत्री केलं त्याचा हा सुसंस्कृतपणा बघा, असं राणेंनी म्हटलं.
केंद्रीय मंत्री नारायण राणे यांनी ठाकरे सरकारच्या दुखत्या नसेवर बोट ठेवल्याचे बोलले जात आहे. राणेंनी सुशांत सिंहची मॅनेजर दिशा सॅलियानचा संशयास्पद मृत्यूप्रकरण पुन्हा समोर आणले आहे. दिशा सालियानचं कोणी केलं? कोण युवा मंत्री उपस्थित होता? अद्याप या गोष्टीचा छडा का लागलेला नाही ? त्या मंत्र्याला अटक होईपर्यंत पाठपुरावा करू ते ही लोकशाही पद्धतीने, कोर्टात जाऊ, पाहू कोण वाचवतंय? असे राणेंनी म्हटले आहे.
मुख्यमंत्री उद्धव ठाकरे यांच्याविरोधात केलेल्या वक्तव्यामुळे अटक झालेले केंद्रीय मंत्री नारायण राणे यांनी त्यांची जन आशीर्वाद यात्रा सुरूच राहणार असल्याचे जामीनानंतर सांगितले आहे. शुक्रवारी सिंधुदुर्गला जाण्याबाबत माहिती देताना राणे म्हणाले की, त्यांच्या अटकेदरम्यान पक्ष त्यांच्या पाठीशी उभा आहे. यासोबतच भाजप खासदाराने अभिनेता सुशांत सिंह राजपूतच्या व्यवस्थापक दिशा सालियन यांच्या मृत्यूचा मुद्दा उपस्थित केला आहे. त्यांनी म्हटले आहे की मी दिशा सलियनचे प्रकरण अंतिम टप्प्यावर घेऊन जाईन आणि जोपर्यंत दोषींना शिक्षा होत नाही तोपर्यंत विश्रांती घेणार नाही.
गेल्या वर्षी 8 जून रोजी मुंबईतील एका इमारतीच्या 14 व्या मजल्यावरून पडून दिशा सलियनचा मृत्यू झाला होता. त्यानंतर नारायण राणे यांनी दावा केला होता की दिशाच्या पोस्टमॉर्टम रिपोर्टमध्ये तिच्या प्रायव्हेट पार्ट्सला दुखापत झाल्याचे उघड झाले होते. दिशावर बलात्कार केल्यानंतर त्याची हत्या झाल्याचा आरोपही राणे यांनी केला. दिशाच्या मृत्यूनंतर सहा दिवसांनी सुशांत सिंह राजपूतनेही त्याच्या फ्लॅटमध्ये आत्महत्या केल्याचा आरोप आहे. यामुळे, दोन्ही मृत्यू एकत्र दिसत आहेत. नारायण राणे म्हणाले होते की महाराष्ट्र सरकारचा एक मंत्री या सगळ्यात गुंतलेला आहे.
तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध
भाजप नेते देवेंद्र फडणवीस यांनी मुख्यमंत्र्यांविरोधात केलेल्या वक्तव्यावर पत्रकारांशी बोलताना राणे म्हणाले, मी काहीही चुकीचे बोललो नाही. पण जर देवेंद्र फडणवीस म्हणाले की ते चुकीचे आहे तर मी ते मान्य करेन कारण ते आमचे मार्गदर्शक आहेत.?
दरम्यान, मुख्यमंत्री यांच्याबाबतच्या वक्तव्याप्रकरणी केंद्रीय मंत्री नारायण राणे यांना मुंबई हायकोर्टाकडून मोठा दिलासा मिळाला आहे. याप्रकरणीचे सर्व गुन्हे रद्द करण्याच्या मागणीसाठी नारायण राणेंनी हायकोर्टात याचिका दाखल केली. त्या याचिकेवर पुढील सुनावणी 17 सप्टेंबर रोजी होणार आहे. तोपर्यंत राणेंवर कुठलीही कारवाई करणार नसल्याची ग्वाही राज्य सरकारने कोर्टात दिली आहे.
