अमरावती, 5 मे (हिं.स.)संत महात्म्यांच्या विचारांची कास धरून सर्व समाज बांधवांना सोबत घेऊन समाजभिमुख उपक्रम राबवित साव कलाल समाजाच्या सर्वांगीण विकासासाठी आपण कटिबद्ध असल्याचे प्रतिपादन अखिल भारतीय साव कलाल समाजाचे राष्ट्रीय अध्यक्ष शिवसेना नेते सुनील खराटे यांनी केले. साव कलाल समाजाचे आराध्य संत सावजी महाराज यांच्या कार्याचा परिचय समाजातील युवा वर्गाला व्हावा तसेच त्यांचे नेहमी स्मरण व्हावे या उदात्त हेतूने अखिल भारतीय साव कलाल समाजातर्फे संत सावजी महाराज यांचा पुतळा अमरावती येथील स्मशानभूमी मध्ये स्थापन करण्यात आला असून १ मे रोजी सावजी महाराज यांच्या जयंतीचे औचित्य साधून पुतळ्याचे अनावरण करण्यात आले. यावेळी प्रमुख अतिथी म्हणून सुनील खराटे बोलत होते.
स्मशानभूमीतील सावजी महाराज यांच्या पुतळ्याचे सुनील खराटे यांच्या हस्ते पूजन व हार अर्पण करून अनावरण करण्यात आले. यावेळी सावजी महाराज यांची मुलगी, जावई, नातू राम धामंदे तसेच सावकालाल समाजाचे वरिष्ठ पदाधिकारी राष्ट्रीय सचिव अमोल चवणे, सुनील राऊत, राष्ट्रीय कोषाध्यक्ष सचिन पहाडे, , अमरावती जिल्हा अध्यक्ष गजानन कोल्हटकर, कार्याध्यक्ष नितीन कोल्हटकर, महिला आघाडीचा राष्ट्रीय अध्यक्ष सुनिता ताई बावनेर, प्रकाश दादा टाकळे, सतीश खराटे, सुनील समदुरकर, डॉ आशिष डगवार , सुरेंद्र जयस्वाल , महिला आघाडी सचिव सौ योगीता शंकरपुरेआदी मान्यवर उपस्थित होते.
या प्रसंगी उपस्थित सावजी महाराज यांची मुलगी सौ विमलताई धामंदेयांनी आपले मनोगत व्यक्त करीत आज जयंतीच्या निमित्ताने सावजी महाराज यांच्या आठवणी जिवंत झाल्या असून त्यांचा पुतळा उभारून अखिल भारतीय साव कलाल समाजाने प्रशंसनीय कार्य केल्याचे त्या म्हणाल्या. याप्रसंगी ज्ञानेश्वर पाहाडे, प्रल्हादराव डगवार, चंद्रकांत दुधाने , प्रविन सावळे , मोहन मोहीते , ॲड नितीन कोल्हटकर , अविनाश पाटील, राजेंद्र पेलागडे , अरुण कट्यारमल , सतिश देवरे, ललीत समदुरकर, ज्ञानेश्वर घोडेराव, किरन शिंदे , अनंत लौटे, निळकंठ लोहकपुरे , सीमाताई पेलागडे, चंदाताई ददगाळ , किशोर सावळे आदित्य पेलागडे , राजेश लोहटे वमहाराष्ट्राच्या विविध भागातून आलेले समाज बांधव उपस्थित होते.—————
