पैशाच्या कारणावरून बहिणीचा खून; सख्खी बहीण आणि तिच्या मुलीला जन्मठेपेची शिक्षा

सोलापूर – आर्थिक व्यवहार आणि अनैतिक संबंधाच्या कारणावरून सख्या बहिणीचा चाकूने खून केल्याच्या आरोपावरून मयताची सख्खी बहिण आणि तिची विवाहित मुलगी या दोघांना जन्मठेप अशी शिक्षा जिल्हा सत्र न्यायाधीश व्ही.एच.पाटवदकर यांनी बुधवारी ठोठावली. Murder of sister over money; Court sentences Sakkhi’s sister and her daughter to life imprisonment

साखराबाई शिवाजी मल्लाव (वय ५०) आणि तिची विवाहीत मुलगी अनिता विजय भुई (वय ३५ दोघी रा. तिरहे_ ता.उत्तर सोलापूर) अशी शिक्षा झालेल्या मायलेकींची नावे आहेत.या दोघींनी मिळून हौसाबाई मल्लाव (वय ५५) यांचा खून केला होता.

या खटल्याची हकीकत अशी हौसाबाई मल्लाव या ति-हे येथे आपल्या मुलासोबत राहण्यास होत्या. कांही अंतरावर त्यांची बहीण साखराबाई मल्लाव आणि तिची मुलगी अनिता भुई या दोघी राहण्यास होत्या. बहिणीचे अनैतिक संबंध आणि पैशाच्या देण्याघेण्यावरून सख्या बहिणीत वाद होता.

घटनेच्या दिवशी म्हणजेच १२ डिसेंबर २०२० रोजी सकाळच्या सुमारास हौसाबाई मल्लाव या घरात काम करीत होत्या. त्यावेळी साखराबाई मल्लाव आणि तिची मुलगी अनिता या दोघी त्यांच्या घरात घुसून त्यांना मारहाण केली. त्यानंतर साखरबाई हिने त्यांच्यावर चाकूने हल्ला केली होती.या मारहाणीत हौसाबाई या गंभीर जखमी झाल्या होत्या. त्यांना उपचारासाठी शासकीय रुग्णालयात दाखल केले असता त्या उत्तरादरम्यान मयत झाल्या.
दरम्यान त्यांनी दिलेल्या मृत्यूपूर्व जवाबावरून सोलापूर तालुक्याच्या पोलिसांनी मायलेकी विरुद्ध खुनाचा गुन्हा दाखल करून अटक केली होती.

या खटल्यात सरकारतर्फे १६ साक्षीदार तपासण्यात आले होते. न्यायालयात साक्षीच्यावेळी साक्षीदाराने फुटले होते. मयताचा मृत्यूपूर्व जबाब आणि सरकार पक्षाने मांडलेला युक्तिवाद ग्राह्य धरून न्यायालयाने दोघींना जन्मठेप आणि प्रत्येकी १ हजार रुपये दंड अशी शिक्षा सुनावली. या खटल्यात सरकारतर्फे अॅड.दत्तूसिंग पवार तर आरोपीतर्फे अॅड. व्हि.डी फताटे यांनी काम पाहिले.

स्थानिक, देशासह जगभरातल्या बातम्या वाचण्यासाठी ‘सुराज्य डिजिटल’ फेसबुक पेज, डेलिहंट, ट्विटर, कू ॲपवर आणि ‘टेलिग्राम’वर आवर्जून द्या भेट…(बातमीसाठी मोबाईल – 9881192310 व्हाटसअपवर संपर्क करा)

● उपरी येथील विवाहितेची विहिरीत उडी मारून आत्महत्या

पंढरपूर: – माहेरहून दोन तोळे सोने आणावे यासाठी पतीसह तिघांनी शारीरिक व मानसिक त्रास दिल्यामुळे तालुक्यातील उपरी येथील विवाहितेने विहिरीत उडी टाकून आत्महत्या केल्याची दुर्दैवी घटना घडली.

या घटनेमध्ये शितल नवनाथ नागणे हिचा मृत्यू झाला असून याप्रकरणी तिचा नवरा नवनाथ नागणे, सासरे देविदास व सासू भागीरथी यांच्यावर गुन्हा दाखल करण्यात आला आहे.

याप्रकरणी मयत शितल नागणे यांचा भाऊ गणेश प्रल्हाद आसबे रा.खरसोळी याने गुन्हा दाखल केला आहे. मिळालेल्या माहितीनुसार गणेश आसबे याचा 27 जुलै 2022 रोजी विवाह झाला होता. यावेळी आसबे कुटुंबीयांनी नवनाथ नागणे यांचा जावई म्हणून मानपान केला होता. मात्र नवनाथ याने दोन तोळे सोन्याचा आहेर पाहिजे म्हणून हट्ट धरला.

आसबे यांची आर्थिक परिस्थिती नसल्यामुळे दोन तोळे सोने देऊ शकले नाहीत. यामुळे संतापलेल्या नवनाथने तेव्हापासून शितलला वारंवार शिवीगाळ करणे मारहाण करणे असे प्रकार सुरू केले होते. तसेच शितल चे सासरे देविदास नागणे व सासू भागीरथी नागणे हे देखील वारंवार तिला जाचहाट करीत होते. वारंवार होणाऱ्या या त्रासाला कंटाळूनच रविवार 19 रोजी सकाळी शितल हिने आपल्याच शेतातील विहिरीत उडी मारून आत्महत्या केली.