तामिळनाडू : एका गर्भवती महिलेने आपल्या पतीची हत्या केली. ही घटना तामिळनाडूच्या अंधियूर येथे घडली. पत्नीने जेवणात कीटकनाशक मारण्याचे औषध मिसळून पतीची हत्या केली. पतीला ठार मारल्यानंतर महिलेने पोलिसांसमोर आत्मसमर्पण केले. ‘महिला ही 5 महिन्यांची गर्भवती आहे. तिचा पती तिला गरोदर असताना लैंगिक संबंध ठेवण्यास भाग पाडायचा आणि अत्याचार करायचा.’ यामुळे तिने पतीचा खून केल्याची माहिती पोलीस निरिक्षक एस. रवी यांनी दिली.
पाच महिन्याच्या गरोदर पत्नीला सेक्स साठी जबरदस्ती करत तिचा छळ करणाऱ्या पतीचा पत्नीनेच काटा काढला आहे. पत्नीने त्या नराधम पतीच्या जेवणात उंदीर मारण्याचे औषध घातले व त्याची हत्या केली. ही घटना तामिळनाडूतील एरोड जिल्ह्यातील कालिन्नन थोट्टम भागात घडली आहे. पतीच्या मृत्यूनंतर पत्नीने पोलिसांकडे जात तिचा गुन्हा कबूल केला आहे.
मिथीली असे त्या पत्नीचे नाव असून तिचे आठ महिन्यांपूर्वी एन.नंद कुमार याच्यासोबत लग्न झाले होते. नंदकुमारचे हे दुसरे लग्न होते. लग्नानंतर काही दिवसातच मिथीली गरोदर राहिली होती. मात्र गरोदरपणातही नंदकुमारला दररोज सेक्स करायचा असायचा. त्यामुळे मिथीला वैतागली होती.
तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध
तिने सेक्सला नकार दिला की नंदाकुमार तिचा छळ करायचा. त्यामुळे मिथीली वैतागली होती. तिने नंदकुमारला जीवे मारण्याचा प्लान बनवला होता. 31 जानेवारीला त्याच्या जेवणातून त्याला उंदीर मारण्याचं औषध दिलं. त्यानंतर काही वेळातच त्याला त्रास होऊ लागला. त्यामुळे त्याला त्याच्या घरच्यांनी रुग्णालयात दाखल केले. मात्र तिथे उपचार सुरू असताना त्याचा मृत्यू झाला.
नंदकुमारचा मृत्यू झाल्यानंतर मिथीलीने स्वत: पोलीस ठाण्यात जात तिचा गुन्हा कबूल केला आहे. या प्रकरणी पोलिसांनी मिथीलीला अटक केली असून तिची न्यायालयीन कोठडीत रवानगी करण्यात आली आहे.
