राजस्थान : भारतीय संघाचे माजी क्रिकेटर मोहम्मद अजहरुद्दीन यांच्या गाडीला राजस्थानमधील सवाई माधोपूर जिल्ह्यात भीषण अपघात झाला. भरधाव गाडीत थेट रस्त्याच्या बाजूला असलेल्या ढाब्यात शिरली. सुदैवाने या अपघातातून मोहम्मद अजहरुद्दीन थोडक्यात बचावले आहे.
सुदैवाने या अपघातात अझहरुद्दीन यांच्या कुटुंबीयांना कोणतीही दुखापत झाली नाही. सर्वजण सुरक्षीत आहे. घटनेची माहिती मिळताच पोलिसांनी घटनास्थळी धाव घेतली.
मोहम्मद अजहरुद्दीन आपल्या कुटुंबीयांसोबत हुंदई एसयुव्हीने आपल्या कुटुंबीयांसोबत रणथंभौर भवन इथं जात होते. फूल मोहम्मद चौकात पोहोचल्यानंतर अचानक चालकाचे गाडीवरील नियंत्रण सुटले आणि भरधाव कार ही महामार्गाच्या बाजूला असलेल्या ढाब्यात शिरली. या दुर्घटनेत एक तरुण जखमी झाला आहे.
तुमच्या हक्काचे ‘सुराज्य डिजिटल’ फेसबुक पेज, ट्विटर, कू ॲपवर आणि ‘टेलिग्राम’वरही उपलब्ध
चौकात आल्यानंतर गाडी पलटी झाली होती. त्यावेळी धाब्यात उभा असलेला तरुण गाडीखाली सापडला. हा तरुण धाब्यातच काम करत होता. यात तरुणाला दुखापत झाली असून त्याला तातडीने नजीकच्या रुग्णालयात दाखल करण्यात आले आहे.
हा अपघात इतका भीषण होता की, भरधाव एसयुव्ही कार उलटली आणि धाब्यात जाऊन थांबली. यात धाब्याचे नुकसान झाले आहे. तर गाडीचाही चुराडा झाला आहे. अजहरुद्दीन यांच्या गाडीचे चाक निकामी झाल्यामुळे हा अपघात घडल्याचे सांगितले जात आहे.
अपघातानंतर मोहम्मद अजहरुद्दीन यांचे कुटुंबीय रणथंभौर येथील हॉटेलमध्ये पोहोचले आहे. नव वर्षाच्या सेलिब्रेशनसाठी अजहरुद्दीन आपल्या कुटुंबीयांसोबत माधोपूर येथील रणथंबौर इथं आले होते. त्या दरम्यानही घटना घडली. पोलीस घटनास्थळी पोहोचले असून अधिक तपास करत आहे.
